Mawngh Hau Lo Mi Tlang Lawng Japan Nih An Kan Bawmh Lai I,Tlanglawng Mawng Tu Ka Herh Ti Hna Lai Lo. By Min Aung Hlaing.

Min AUng Hlaing cu loh bak siko cang. Tutan Min Aung Hliang nih aa chawhsualnak a fakbikmi cu Civil Disobedience Movement (CDM) cawlcanghnak a ummi hi si. Cozah rianttuan pawl hna nih zung an kai ti lo caah Min Aung Hliang nih a duh in cozah a kalpi kho ti loh. A lungre thei cang. A phunphun in a lemsoi lengmang hna. Nain an duh hlei loh.

A donghnak ahcun a hrocer hna. A kah hna. Cu zong ah cun an duhlei lo i tu bantukin cozah rianttuan kan herh ti lai loh tiah a tinak hi a si. A chimmi cu atanglei bantukin a si.Kawlram ramchung tlanglawng khualtlawnnak cu biatak tein tthanchoter a timh. Cucu Tlanglawng lei cozah rianttuanmi hna lak ah CDM (Civil Disobedience Movement) cawlcanghnak a ummi hna cu an rian in dinhter lawlaw ding.

Tuhi Japan nih a kan bawmh lai i, khaltu le tawlreltu hau loin amah tein a kalmi tlanglawng kan hman cang lai tiah MRTV ah thanhnak an tuah. Japan nihhin Min AUng Hliang thil tuah hi a pom lo ngai tikah ai ruahchan ning bantukin thil si kho taktak te lai maw timi belte cu ruah awk um ngai ko.

Cucaah CDM ah a lutmi pawl nan rian in i din lawlaw uh kan in herh ti hna lo ti si ko cang hih. Kawlram ramkhel kong relchap: Ralkap sermi Democracy hi Democracy Diktak asi maw? Democracy’ biafang cu Greek biafang ‘demokratía) in a rami asi i, a sullam cu ‘demo- mipi, kratia-nawlngeihnak’, “Mipi nawlngeihnak or uknak” ti asi.

Democracy sullam cu a tak in hmuh khawh nakhnga: zalonnak (Freedom), itluknak (Equality), dinnak (Justice), phung nawlngeihnak (Rule of Law), zalong tein chimrel le ttial khawhnak (Freedom of expression), thimnak ah zalong tein i tel khawh le thimfung (vote) thlak khawhnak etc. hna cu aherh tukmi asi. Cun, democracy cu mi tam hruainak in i uk phung asinain, mi tlawm covo le himnak kha a upat i, a runven chih. a thil tuah mi hna hi zeihmanh umzia ngei lo mi long te an si dih ko.