May Thla In December Thla Tiang Chin Ralzam Kan Tam. Cun Motor Cycle Pa Hnih Cit Hrim Ankham AaCit mi Meithal Kah I An Thi

  Kawl ralhrang hna le Mipi kilveng tu CDF hna kahdoh nak ruangah May Thla in December thla, thla 8 chung ah Chin ramkulh chung in ralzaam hi ting 1 leng an si cang tiah UNOCHA nih thanh nak an tuah. Mindat le Kanpetlet ah hin ralzam hi thonghra leng an rak um i, May thla in atu December thla tiangah an dihlak fonh ah hin thong sawmli leng an phan.

Hi chungah hin Rakhine ramkulh I Ralhrang le AA hna karlak I kahdohnak afah lio I ralzam hna zong an I tel. hi pinah hin Chinram ah hartong bawmh herh an tam rih I November thla ah khan Mindat khuapi chungah bawmh nak tlawm te arak lut kho tiah an chim.Hi thla 8 chungah hin Thantlang khuapi chungin khuami hna cu an dihlak khua an chuah tak I September in December thla chung ah hin Khrihfa Biakinn telh in Inn 530 leng Ralhrang hna nih an khangh. Atu December thla ni 12 in Ni 15 karlak ah hin Mindat khuapi chungah ralhrang hna le Mindat CDF cu ni fatin tiding ah an ii kaap  pengrih tiah CDF Mindat  sin in thawng theih asi.

Chinram he aa peh mi Sagai ramthen chung zong in ralzam hi thong sawmruk hrawng an um I Magway ramthen chung in ralzam hi thonghra leng an um ve tiah UNOCHA nih cun an langhter. Source. CCNBShwebo Ah Pa(2) Motorcycle An I Cit Ti Caah KoTunLwinOo Kum(17) Cu Ralhrang Nih An Kah Thah. Sagaing ramthen,Shwebo peng ah SAC ralhrang nih mizapi(2) cu motorcycle nan i cit ti caah tinin december (14) ah KoTunLwinOo kum(17) cu an kah thah tiah cu ka hmunhma um mi nih Yangon Khit Thit ah a chim.

TunLwinOo hi Kawlin ah um mi a si. Shwebo ah rian a tuan i nu le pa cawm tu a si.Kum(17) lawng a si rih.A mah nih mawngh mi si i an kah thah.A hnu a cit mi KoPyiSoneOo cu an tleih tiah khua mi sinin theih a si.SAC ralhrang phu hi an thilthuam zong an i hruk lo.An motorcycle dir ter i chek hlat hma sa zong si lo. Rian in tlun mi an si ti hmuh ko nain an kah chih hna” tiah Shwebo um mi pakhat sinin theih a si.

Shwebo ah Motorcycle mi(2) nih cit ruang ah ralhrang nih an thah mi hna KoTunLwinOo telh in (5) an si cang tiah cu ka hmunhma um mi sin in theih a si. An tleih mi KoPyiSoneOo zong a chung khar he an i tong kho rih lo.Khawika ah an chiah ti zong theih a si lo.

Be the first to comment

Leave a Reply

Your email address will not be published.