MDF le CDF-Mara karlak thil cangmi kong ah CDF Mara Palhnak Lei In Cathanh An Chuah

2022 March 25 ah Maraland Defense Force-(MDF) cu meeting biachahnak bantuk tein Sawhbo tlangthluan tlawn ah Ralkap nu 2,Chief Commander, Medical leader le ralkap 4 hna he an kal i Ngaphaite khua an phanh ah CDF-Mara upa pakhat nih uniform le hriamtling he an ram chung luhchuah lo ding in a van chimh hna i MDF Chief Commander nih Mara miphun nih Mara ramchung ah duh poh in luhchuahnak nawl kan ngei tiah a leh i cuka hmun ah cun bia-elnak tlawmpal a chuak.

March 25 zaan, Ngaphaite khua sianginn ah mizapi he tonbiaruahnak kan ngeih lio ah CDF-Mara ralkap pawl nih security a lami MDF ralkap meithal an chuh caah kaphnih kahdohnak a chuak. Thil sining hi MATC/ MDF nih kan hlathlai colh i a rauh hlan ah MATC/MDF phung ning tein hmalak ding ah kan i tim.

Tu bantuk in Mara miphun veve karlak i theihthiamlonak ruang ah thisen a luan hi kan ngeih a chia hringhran. A nunnak liam mi Salai Paw Mahnei le hliamtuarmi hna caah MATC/MDF nih kan ngeihchiatnak cathanh in kan langhter, tiah MATC/ MDF nih cathanh an chuah.

Biapeh…Miphun hawi hna, kan dohthlennak hi biatak te in ruah a hau cang. Nai ah Mara kan unau anmah le anmah an in kap cang. Hi bantuk hi a tu Ning in kan kal rih ahcun kan ton chin lengmnag te lai. Kan hnu zong ah Tikir khua nupi tthit puai ah CDF phu 2 kar ah an buai ti kan theih. Policy ruang hmah ah si llo in zu rit buai ruang hmanhah an ralkap sawhsawh lawng hmanh si lo in an commander tiang hmanh an buai, an hi kap deng hna ti thawng a thang.

Mipi lei ah mithal hna tinh in an hro hna, zun li tiang meithal an puah an ti. Tih a nung taktak mi asi. Lam nai te asi mi India ram, Naga le Manipur state khi zoh hmanh uh, India cozah a do cio mi, hriamtlai phu fa tete an tam tuk i anmah le anmah an in tthuat tawn lengmang ning, mipi an thah tawn hna ning le mipi caah tih a hei nun ning, mipi nun a him tawn lo ning, khi dir hmun reng lo khi kan phan sual te ko lai. Phaisa maw, nan nunnak dah ti in hriamnam hmuahchih in mi ramhtu an um lengmang! Man dirhmun khi kan phan te sual kho. Kawl miphun PDF lakah cun cu bantuk phan cu khonmaw ahcun an um cang ti asi.

Command and control pakhat tang ah um lo in, bu dang cio in um i hriamtlaih cu a ttihnung tuk! Chin miphun hriamtlai pawl kar ah Buaibainak dangdang Kan ton than rih sual te ko lai. Kan miphun caah a tha bik mi cu – CNF kha tthawnter, CNF nih a tuah mi command and control tang ah CDF vialte um dih, Cuticun kan ral kan doh tik ah kan tha a thawng khun lai! Cun CNF nih CDF vialte kha bawmh khawh chung in bawmh, CNF kha influence power ngeih ter, cuticun kan dohthlennak a felfai deuh ding asi cang. Cu ti lo cun bia Lo kan chuak dih sual te lai! CNF tu hi commanding power ngeih ter hna usih. Thla thawng hlawn khirh