Meithal Cawk Nak Caah Ram Leng Nih $ Tam Tuk CNF/A An Kuat Hna Ti Si.

A Tu Lio Ka Ruah Mi, Ramleng nih CNA/F caah $ tampi kan pekchanh hna meithal cawknak caah ti kha a si ko. Meithal Mi siam cia kan cawknak cun a siamnak le thilri tu hi caw kho usihlaw a let hna a tha deuh suamau hnga.Meithalnak cawknak kan kuatnak hna zong ah a kuan ca zong kha philh hna hlah usih awh. A kuan a dih ahcun meitlal cu funghreu bantuk men ceo dawh si ko cuh.

Kachin um Ralbawi pakhat nih a chim mi cu Kuan bawm pakhat ah kuan 30 ai tlum le kuan bawm 4 le bomb 2 hi Kachin ralkap nih raltuknak an kal ahhin an I ken a ti. Biatak in an I phomh ahcun kuan 120 cu suimilam cheu ah a dih nikhat ah kuan thong khat hman hi a fawi tuk a ti. A thla in raltuk tikah cun kuan le zen hi hunghung in a dih ko lai. Cu caah raltuk ding caah a tu tein timh cia kan hau hna. Zen le kuan hi a tam khawh chung tam in damh a hau.

Ral kan thawh cang rawh hnu ahcun daihtee than hi a fawi loh a kum kum in a rau lai. I timh lawlaw vek ahcun mizapi zong kan tuar lai kan ralkap zong an tuar lai. Kan chim na cha bang in raltuk tikah nifa tin in kan ralkap hna kut ah zen le kuan a um zungzal ding hi a biapi tuk.Kan theih cio bantuk in Vawleicung ah ralkap a thawng bik cu USA an si le kum khat ah USA Dollar $721.5 Billion a hman. Vawleicung ralkap thawng bik chang a si mi China nih 178 Billion a hman ve.

Tlangcung mi ral kan thawh tikah kan mah bak nih biatak in kan dirkamh hna lo ahcun mual kan pho lai . A tu ah CNA nih hriam ngan RPG7 te hna hi vai tlaih hna sehlaw a zen le kuan ah a fawi lo. Mah caah a si lai hriam hme deuh tete tu hi tam deuh an cawk. Kan ralkap hi soi hna hlah usih thazaang pe hna usih. A tu lio ralkap hna cu Hakha Thantlang nak in thlanglei mi an tam deuh cang. Kanmah lei minung zong tampi kan luh a hau ve cang. Cred : Tlerlung

Be the first to comment

Leave a Reply

Your email address will not be published.


*