Mi Hrawk Hrawl Ralkap Ca Thanh Chuah Mi Hi Ning Zak Tuk Si Ko..

Kawl tupung ralhrang hna nih CRPH cu phung kalh Bu a si tiah ca thanh bak a chuah ko.Kawl ralhrang nih cun,mipi nih kan thim mi hna (MP) pawl hna cu,cozah theih pinak in a dir mi an silo i, anmah duh in a dir mi phu, CRPH an si caah,phungning lo in a dir mi an si tiah thong thanhnak an tuah ve cang. cu long silo in, Rampi le mipi buainak a kan petu an si tiah an chim rih.

Hi CRPH hna hi kawlram phung ning loin a dir mi an si caah,kan pawm hna lo tiin an chim.CRPH hna hi, Mipi nih kan duh mi hna le(MP) caah kan thim mi hna an si caah, Cu MP hna nih cun CRPH hi an dirh mi Hlutdaw a si. Cu hna nih cun, UN palai caah Dr. Sasa cu an rak thim mi asi.Kawl ralkap hna nih cun, NLD Party cu an ci hmih dih an duh hna caah an zung tiangin, February thla ah khan anrak hrawh piak diam cang hna.

Ralkap nih cun, an ni thawh riangmang i,an ca thanh ah cun, CRPH cu, Rampi nih Phung a onh lo mi,buainak,mipi faknak,le buainak a tuahtu ansi caah kan pawm hna tiin an chim ngam rih hawi.Si nain CRPH lei nih cun, Ralkap hna cu, Phungning in a ka lo mi le a dir mi an si caah ramkip nih an pawm mi hna an si lo tiah an chim ve.

CRPH cu ram chung mipi le ram leng ramkip hna nih an kan pawm mi kan si tiin vawlei cung theih ah an au cang. Ralkap hna cu, ram chung mipi le ram leng ramkip hna nih an pawm lo mi bu an si tiah an chim nawlh.

Credit : Chinpost

Be the first to comment

Leave a Reply

Your email address will not be published.


*