Milungkhat Phor Hna Cu SAC Ralhrang Hna Nih Cun, An Mah Ralhrang A Bawmtuk Hna, Minung Hna Cu, Min Thang 58 Sin Ah Lak Song An Pek.

March 27, 2022 Tatmadaw Ni ah SAC ralhrang nih cun anmah a dirpitu Myanmar lemcangthiam minung 48 sinah sunglawinak an pek, hna tiah theih a si. Mah hi sunglawihnak an pek mi hna pawl cu Nay Toe, Yone Lay, Khant Si Thu, Kyaw Ye Aung, Ye Aung, Nay Aung le Tun Eindara Bo hna telh in minung 48 sinah an pek hna. An pek ning zong a dotdot tein a si i, a dot khatnak le a dot hnihnak le dot thumnak tiah an then.

Dot khatnak ahcun Nay Toe, Moe Moe Myint Aung, Cho Pyiu, Nay Aung, Tun Eindara Bo hna hi an si. Dot hnihnak ah cun Maung Wunna, Myint Myint Khaing, Ye Aung, Zaw Linn, Kyaw Ye Aung, Myat Kay Thi Aung, May Thuzar Oo, Sein Myat Thar, Khine Thin Kyi, Sandara Tin Win Hlaing, U Kyi Min Thein le director tampi sinah an pek hna.

Dot thumnak ahcun U Tin Aung Soe, Nay Toe, Khant Si Thu, Phyu Thaw Kyia, Soe Myat Thuzar, Soe Myat Nandar, Yin Latt, Yone Lay hna an si. Hi an pek mi han hi SAC ralhrang nih Myanmar rampi nawlngeihnak a lak in tuni tiang daiziar tein um mi, mipi lei tang duh loin,

SAC ralhrang dirpitu han an si. Lemcangthiam SAC ralhrang dohkalhtu hna pakhat hman an pe hna lo, tiah theih a si. an pekmi hna lakah mithi cang mi zong an um. Myanmar zuknung zoh tawntu mi pakhat nih cun, zeibantuk tuk sunhlawihnak zong pe hmamh hna seh mipi a dirpi lo mi lemcangthiam hna cu tha kan pe ti hnas lai lo, tiah a chim.

Nunzia kong lam

9.PATHIAN Tlaih Peng Zeizong te ah PATHIAN aa tel lo ahcun tlam a tling lo tikha va philh hrimhrim hlah. Chungkhar dirh timi hi a tluang peng lai ti va ruat hlah. Nungak le tlangval lio bantuk in ii duhdawt khawh lo caan a um. Harsat caan, hnabeidongh caan, sungh zatlak caan zongah nuva sinak kaltak loin PATHIAN hmai ah thlacamnak he hmainor ii zuam chinchin.

Nu Le Pa Nih Fale Sinah Tuah Lo Dingmi Kong Relchap: Nu le pa nih kan chungchuak, kan thi le kan sa a si mi fa le a daw lomi kan um lai lo. Asinain beltein voikhat, hnih cu an cungah kan thinhung tuk  caan a um ve tawn. Cu cu kan dawt hna lo caah si loin kan dawttuk hna saduh kan thah piak hna ca tuah a si, sihmamhselaw an caah thil tha an rak si thlu ve lem lo.

A si ah cun zeipawl dah an caah kan piak lo ding cu an si. Aiawh piak lo ding: Voi tampi cu sianginn an kaiah saya/mah te nih inn sa (homework) an rak pek hna caan ah nu le pa nih an mah aiawh in tuah piak lo ding. Sunday School ii biahal nak an tuah hna tik zongah an mah nih an cawn, thiam ta hlanah nu le pa nih awl zaang in phitpiak lo ding. Upa sin le an hawi le sin buainak tenau, bia elnak an neih zongah ka fa si ai tiin au kanh lo ding. An mah tu kha bial hal hna i nun chimh hna ding.

Anmah tein rawl lakter lo ding: Hihi nu le pa rian a tuan i a um caah ah cun si lem loh. A sinain nu le pa fale sin i a um ko mi, fa le sianginn an lawi a si loah pakhat khat in rawl an rak hlam caan ah nangmah tein rawl ii lak law ei ko tiah fial bak hna lo ding. Nu le pa bak nih pakpiak ii eiter ding. Hi hi mifim pawl nih an chimmi cu nu le pa le fa le karah  dawtnak le tlaihchannak fehter tu a si an ti.

An sualpalhnak thuhpiak lo ding: Nu le pa caah cun thil har ngai a si. Mah chung chuak fa le cu kan dawttuk hna sualnak nei lo bantuk bakin kan hmuh hna caah misin zongah kan zoh thla hna. Thil sual an tuah caan zongah kan van ra ii kan huhphenh piak hna, an mah an palhnak tu na palh ti lo le sik loin kan tanh hna in kan huhpiak hna caah kan fa le nih thil sual tuah zongah ka nu le pa nih an ka tanpi ko tiin, nu le pa nih thil sual tuah thazaang pek ah an ruah.

Zangfah lo ding: An caah thil tha a si mi a siah maw, rian tuanah maw, nun kan chimh a herh caan zongah chim lo le sik loin kan um tawn hna. Hihi kan dawt sual hna caah an cungah zangfahnak kan neih hna ii an thaatu, thatlonak law lei tu ah an kal. Mah hi ruangah hin zangfah hna lo ding cun a herh ningin chimh le sik hna i a hmanmi lam tu kha hmuhsak hna ding. Nun chimhnak hi a hramthok khaa hmamhsehlaw a phi chuak a thlum mi a si. Cu caah na fa na dawt ah cun nun chim law, zangfah hlah.

Awltuk in bawm hlah: Kum note an si lio i an mah tein an tuah khawh mi an tuah caan ah va bawm hna hlah va zohsawk ko hna, tuah piak lo tein.thilsuk, keng an tawl caan zongah va chut hna hlah. An mah tein an cawlcanghnak nih puitling lam a zawhter hna, an lam va hrawhpiak hna hlah.

An duhnak an chim tiah theithiam piak: A caan ahcun nu le pa nih kan duh bantukin kan fa le zong an lungtling ko tiin kan ruah sual tawn. Mah hi a rak hman loh, an mah tein khuakhannak le lungthlitum saduhthah an nei ve ko. Kan duhnak lawng in kan hruai hna a si ah cun kan fa le caah kan inn hi thonginn ah a cang kho mi  a si. Asinain an chimmi le an duhnak kha ruah pi ii theihthiam piak ah a tha.