Min Aung Hlaing A Dir Hmun A Hniam Thluahmah Cang.A Ruang Cu?

Ralbawi Pakht apa cu anmah ralkap lila nih meithal in an kah i a nunnak a liam tiah theih asi.Kawl ralkap pawl an i chuahsual chin lengmang cang, anmah le anmah zong an i kap dih te ko lai hih. Tuchun ah thawngzamh pakhat nih an rak taar langh ning ah cun Kawl ralbawi pakhat hringtu apa cu anmah ralkap lila nih an kah i, a nunnak a liam tiah theih asi.

Kawl biaknak ah an upat ngai mi le an ngeih santuk mi le an upat tuk mi, Shwe Hti Kung pura a ngaktu hna cu Kawl ralkap tapung pawl nih an kah hna i, cheukhat cu an unnak a liam i, cheukhat cu hri in an ttawn hna lengah nakut le ke tiangin an ttawn dih hna hnu ah faktuk in an hrem chih tiah thong theih asi cang.

Shwe Hti Kung pura hngaktu hna lak i ralkap nih an kah mi hna cu midang mi sawhsawh a rak si lo, anmah Kawl ralkap Tatmah 77 ah ralkap bawi Han Zaw Htun timi hringtu apa a rak si diam tiin thawngzamh nih cun an langhter.

Cu ruangah anmah Kawl ralkap tapung hna an karlak ah buainak fak ngai zong a chuak chin lengmang cang i tu hi i hmuhthiam lo nak fak ngai in an ngei cang hna tiin an langhter. Cun ralkap bawi Han Zaw Htun nih cun kapa a kap tu le a that tu hi ka thah ve hrimhrim lai, phuba ka lak hrimhrim lai tiin thawngzamh sinah a chim ve cang.

Kawl ralkap hi an kal ning a tluang kho hrimhrim ti lo, an sung cuahmah ko cang, an mualpho chin lengmang i an i chuahsual cikcek ko cang hih.a tu bantuk in an um ah cun,sau a rau ti lailo i, Min Aung Hlaing cu ningzak in a chauh ko cang lai tiah an chim mi cu asi.

Source: Kalay Myo Lairawn Mino New

Be the first to comment

Leave a Reply

Your email address will not be published.


*