Min Aung Hlaing A ngaihchia cang; Mandalay-Myitkyina Tlanglawng lam hlei Bom puah ruang ah

Min Aung Hlaing A ngaihchia cang; Mandalay-Myitkyina Tlanglawng lam hlei Bom puah ruang ah
============

Sagaing Ramthen, kant Balu(ကန့်ဘလူ) peng Htantapin(ထန်းတပင်)le Ngaungzin(ညောင်းဇင်;) khua kar ThayetHkaung(သရက်ခေါင်း) Tiva tannak hlei cu September ni 15, zinglei suimilam 9:00 hrawng ah bom puah a tong i Mandalay-Myitkyina tlanglawng lam cu a cat/rawk tiah theih a si.

” Kant Balu peng, Htantapin khua le Ngaungzin khua kar i Thayet tiva hlei a si. A tu lio cu Mandalay-Myitkyina tlanglawng lam cu hman a ngah lo. A tu ni tiang ralhrangbu lei in an rat cu ka hmu rih lo. Hlei cu a rawk ning tein a um ko” tiah khuami pa 1 nih a chim.

Mah Thayet Hkaung tiva hlei cu Kant Balu khua chaklei meng 16 ah a um i Kant Balu le Zeekone khua kar ah a um mi a si. ” Hlei No. 159, hmunhma ah cun ruah zong a suar, Tlanglawng riantuantu hna zong CDM an lut.

Remh than ding ah cun ni 15 a rau lai i, minung thazang a tam ko ah cun ni 7 a rau kho tiah CDM a tuan mi tlanglawng riantuantu pa 1 nih Yangon Khit Thit Media sin ah a chim. Crd; Khit Thit Media

Magwe ramthen,Myiang peng chung ah, Aye ChanThar Sanpiah khua chung ah nizaan september 15 ni zanlei ah inn hna cu mei in an kangh i meinih kangh i a rawk mi miruak 2 cu kan hmuh tiah khuami hna nih an chim. Ralhrang hna nih khuate pawngkam hna cu i hel in hmunhma an lak i an kah hna caah Aye Chan Thar Sanpiah khua chung ah tar kum upa cang mi cheukhat lawng an tan lio.

A tu bantukin inn le lo hna cu mei in an kangh i a thi mi hna hi tar kum upa mi hna zohkenh tu ah a taang mi mino hna an si tiah khua mi hna nih an chim. ” September 14 thok in a cang mi a si. Nizaan ah khan khua pawng kam neih deuh ah kan kal khawb caah mi ruak hi kan hmuh mi a si.A thimi hna hi PDF tiah ruah in an kangh mi an si. An nih hi khua chung ah ataang mi tar hna zohkhenh ding ah a taang mi hna an si.

Khua chung ah Inn hna, mawtaw hna, Saikal hna cu mei in an kangh dih. Tu kan hmuh mi ruak pahnih leng ah hin ruak pakhat kan hmuh mi a um rih. A ruak cu kan la kho rih lo. Hliam a tuar mi khuami 2 zong kan bawmh khawh cang hna ” tiah khuami pakhat nih a chim. Myaing peng ah hin September 12 ni ah khan ralhrang mawtaw cu bomb in puah an si i mah hnu cun atu bantukin a pawng kam khua poh cu an kah hna mei in an kangh hna tiah khuami hna nih an chim. Crd; The Chin Post

Be the first to comment

Leave a Reply

Your email address will not be published.