Min Aung Hlaing A Zer Ning Hi,CNN Palai Rangon A Rak Phanh Bak In,Ral Kap Hna Cu An Dai Dup Ko.A Ruang Cu?

CNN News reporter senior le ralttha tuk mi, Clarissa Ward cu kawlram hralhrang hna cawlcangh ning zoh ding in,rangon khuapi a rak phanh i, a rak phanh hnu tlawmpal ah cun Rangon khuapi chung cu,zeidah lawh li tiah zoh ding in a chawk i, sihmanhsehlaw, ralkap pakhat hmanh hmuh ding an um lo ti si.

Reporter Clarissa hi kum 41 a si cang i, a pasal Philip Von Bernstorf he fa 2 an ngei cang. amah hi United Kingdom i a chuak mi asi nain,a tu-ah cun USA New York ah an chung kgar in an um tiah theih asi. Hi bantuk in ram buainak, Yemen,Iraq,Afghanistan,le Syria ram te hna zongah vawi tamtuk a rak kal bal cang i, thongpang a theih mi hna cu fiangfai tein,USA Cozah sin ah a rak pek lengmang hna tiah theih asi fawn.

A rian ttuan a tthat tuk caah,Cozah lei zawng nih laksawng tamtuk an pek tawn mi asi tiah theih asi.A tu-ah hin kawl ram a buaituk caah,ram dang hna nih cun,an mi le fa hna cu an ram leiah kir dih dingin an ti hna lengah,kawl ram chungah tlawng tilo ding tiangin an ti dih hna. sihmanhsehlaw CNN palai nu nih cun,a nun nak thap bak in,kawl ram chungah a rak luh tik ah hin, fak a hloh a ngai ngai ko.

Hi lio ah hin, Min Aung Hlaing le a party hna nih cun, fim an ni cuh i, mipi hna cu,thlakhat chung kan nin kap hna lai lo tiin ni hin ah khan thong an thanh cang. Hi CNN reporter a rak nak sual lam cu,kawl ram ralkap hna umtu ning le an cawlcangh ve nak hi, vawlei cung mipi theih le ramkip theih in puandingin a timh mi asi. MIn Aung Hlaing Ralkap hna nih hin, zeitik tiang dah an zia hi an ni thup khawh lai ti cu rak hngak rih ko u sih.

Credit : RFA /CNN

Be the first to comment

Leave a Reply

Your email address will not be published.


*