Min Aung Hlaing Cei Cang Ko Seh,Aanaa A Ting Hlan I A Tuah Mi Hna Cu?

Min Aung Hlaing nih uknak lak hlan ah zeidah a rak tuah? February 1 ah ralkap nih uknak an lakmi cu thla khat asi cang. Nain,sandahpiahnak hi pehtlaiin tuah peng asi. Ralkap nih uknak an lak hlan ah Min Aung Hlaing nih Suu Kyi sinah President tuanvo pek dingin a rak hal i; Suu Kyi a rak al caah uknak a laknak asi tiin NLD upa sin in theih asi.

2021 April chungah Min Aung Hlaing hi a rian in aa din cang ding asi. Nawl ngeihnak a duh rih caah uknak a laknak asi tiin zumh asi. Uknak lak hlan ah Aung San Suu Kyi sinah Min Aung Hlaing nih President tuanvo pek dingin a rak hal nain Suu Kyi nih a ral al tiah NLD upa hna nih an chim tiin BBC nih a langhter.

Min Aung Hlaing nih nawl ngeihnak a duh rih caah hramhram in uknak a laknak asi ko tiin NLD upa hna nih an zumhnak asi. “2020 thimnak result hi fianternak tuah dingin Cozah sinah nawlnak kan tuah nain an tuah duh lo caah uknak kan laknak asi” tiin ralkap nih uknak an laknak ruang an chim.

Thimnak result ruangah ralkap nih Uknak an lak mi hi a sullam um loh; Uknak laknak dingah lam an kawlmi asi tiin ralkap cu soisel ansi. Min Aung Hlaing nih 2021 ah President tuan a duh i; Suu Kyi nih President tuanvo cu pek a duh ve lo caah uknak laknak asi tiin NLD upa nih an chimmi asi. Ralkap nih Uknak an lak hlan ah Min Aung Hlaing nih Suu Kyi sinah President tuanter dingin a halmi cu Suu Kyi nih a cohlan lo ruangah uknak laknak lam an kawl i; February 1 ah an lak hi asi.

Credit : @Chin Channel News!

Be the first to comment

Leave a Reply

Your email address will not be published.