Min Aung Hlaing Hi A Mawlh Cang Maw Si Hna?Mi Vialte Hi Tlaih Khawh Dih Ah A Ruat Ko Cang Hi.

CRPH Nih cun Min Aung Hlaing le A hawi pawl Taza An Cuai hna, Min Aung Hlaing Nih Lehnak A Tuah Colh mi hi ningzak tuk siko.Hluttaw (parliament) aiawh committee CRPH nih atu lio hramhram in uknal a lami ralkap cozah taza an cuainak cu thanhnak an tuah cang. Penal code Section 122 (1) 124 (i)-nak i charhchan in Naypidaw-i Supreme Court of the Union-ah March 4 ah khan case zong kan file cang tiah an chim.

February 1-ah Min Aung Hlaing hruaimi ralkap nih a hramhram in nawlngeihnak an ah khan Myanmar President U Win Myint le State Councellor Daw Aungsan Su Kyi nih hruaimi cozah cu Myanmar phunglam kalh in cawlcangh in le a hramhram in nawlngeihnak an kan chuh tiah March 9-ah thanhnak tuah in le atu bantukin tazacuainak an tuah hi si.

Hi kong he pehtlaiin Ralhrang bawipa le a hawi hna nih cun, CRPH hi hohmanh nih dirkamh le theihpi loin ding mi asi i, warning peknak tiang an chuah cawlh, a ttuanpi mi hna cu kum 7 chung thongthlak an si lai,‚ÄĚtiah thawngthanhnak an tuah cawlh tiah theih asi.zeipoh hi amah nawl lo cun tuah khawh lo dingin a ruah ko.CRPH hi vawlei cung ramkip nih theihpi mi asi ti hi a thei hnga lo maw? Credit: BBC Burmese.

Tulio ah urgent in theih a herh taktakmi cu: Media an si ah, pumpak in catial le post mi kan si ah CDM ah hruaitu min langhter le phuannak tuah bak lo ding a si. Ralkap nih ahodah CDM hruaitu timi an theih lo ding a biapi tuk. CHIN mi dihlak kha CDM hruaitu an si ko tiah an ruah a hau.

Tulio cawlcanghnak cu, ral doh lio, battle ground um lio a si caah himnak le teinak a biapi tuk. Abik in ram chung lei ca an taarmi kha, share loin, copy- paste tu in nan timeline an taar cio u. Ahodah original taar tu a si tiah an theih lo ding a biapi fawn. Tulio ahcun, kan ral pa pakhat tei lawng hi focus cio ding a si. By Zasang Cinzah

Be the first to comment

Leave a Reply

Your email address will not be published.


*