Min Aung Hlaing Le A Party, An Ttah Caan A Phan Cang Lai.

Min Aung Hlaing le a party hna caah cun, a tu lio cu,thongchia hru long te a leng ko cang.an caah hin ttih nungtuk mi le theih an duh lo mi thil long te,ni fatin in an theih ko cang.Cu caah cun silai dah, Min Aung Hlaing cu ram dang lei zawng nih an chawn kho li lo i amah aiawhtu Gen- Soe Win tu an chawnh lengmang cang tiah theih asi.

Gen-Min Aung Hlaing nih aa abochantuk mi hna China le Rusia cu phundang deuh in bia an chim cang tikah, UN Security Council ah Kawl ralkap pawl cu China le Rusia nih sual an phawt ve cang. Kawl ralkap nih Sandahpiah pawl an hremmi le an kahmi hi kan doh hna tiin China le Rusia nih kawl ralkap cu sual an phawt ve hna.

A tu ralkap hruai mi Min Aung Hlaing uknak tangah rian kan tuan kho loh tiin CDM a lutmi an tam tuk cang caah Council cu rian an tuan kho ti loh. World Bank le ramdang cozah hna nih ralkap council cu phaisa chuahnak an phih caah ralkap council cu harnak an tong ngai.hmai thla hawi hna cun, an ralkap pawl hloh hmanh an pekho ti hna lai lo tiah zumh asi cang.

Kawl ralkap duh lonak langhter nak he pehtlaiin ni 38 hrawng duhlonak an langhter cang. Hi hnu zong ah sandahpiah peng dingin timh tuahnak an ngei rih. CRPH hruainak in Min Aung Hlaing cu ICC le ICJ ah taza cuai ding asi. Sihni zong tling tein hlan dih asi cang tikah Min Aung Hlaing Le A Party hna caah cun lam dang a um ti lo.

A Si nain Min Aung Hlaing nih ruahchannak a ngeihmi cu meikhal hmangin uknak hi asi khawh chung ka tlaih lai tiin aa zuam lio asi. Cucaah, ralkap le police nih hremnak le thahnak an tuahnak hi asi.Ralkap le police nih hremnak le thahnak an tuah chin lengmang lai i; ICC le ICJ ah bia a fak chinchin ve te lai.

Be the first to comment

Leave a Reply

Your email address will not be published.


*