Min Aung Hlaing Le A Party Hna Cu,An Ai A Puang Cang,Nan Hawn Lo Le/ Nan Tuah Lo Ah Cun,Kan Nin Ting Piak Dih Hna Lai Tiah An Ti Cang Ko Hna Hi.

Myanmar ralhrang pawl nih nawlngeihnak an lak hnu thawk in bazar le dawr tampi cu CDM tuah in an dawr pawl an khar dih hna. Mandalay um စျေးချို bazar zong nihin tiang an khar rih caah ralhrang pawl nih on cang dingin an fial peng hna nain nihinni tiang hohmanh nih an dawr cu an awng duh hlei lo.,

Cu ti an dawr an on duh lo ruangah ralhrang pawl nih an ziaza chuah in “စျေးချို bazar cu May 21 ni khan on dih ding tiin thawngthanhnak kan tuah nain nihin tiang hohmanh nih nan dawr khan nan awng lo ti kan theih. Cucaah May 24 tiang dawr khan a awng lomi pawl cu daan/phunglam ning in nan dawr khan pawl kan kan in chuh/ting dih hna lai” tiin ca an tar.

Ralhrang cathanh chuahmi kong he pehtlaiin dawr ngeitu pakhat nih “Nizan tihni ah ca cu an tar, tu lio dirhmun i dawr on cu a him lo. Thil cawtu zong an um lo i, zeitik ah dah ralhrang pawl an ra lai i, thil an kan lakpiak lai ti kan thinlawng a phang peng ko. Dawr kan on lonak cu anmah pawl kan ttih hna caah a si.

Hitin ca an tar zongah dawr cu kan awng hlei lai lo” tiah a chim. Min Aung Hlaing hruaimi ralhrang pawl nih Mandalay စျေးချို bazar dawr ngeitu sinah “May 24 tiang dawr khan a awng lomi paoh cu kanmah nih kan in chuh/tingpiak hna lai” tiin ca an tar ko nain dawr ngeitu mipi hna nih dawr on an i tim hlei lo.

Be the first to comment

Leave a Reply

Your email address will not be published.


*