Min Aung Hlaing le A ralkap cu a rauh hlan ah a sungh cang lai, an thazang a tlawm tuk cang

Min Aung Hlaing le A ralkap cu a rauh hlan ah a sungh cang lai, an thazang a tlawm tuk cang
==============

SAC ralhrang chung thazaang a tlawm chin thluahmah cang caah pension in aa din cangmi ahlan ralkap (kum upa deuh pawl) nihlawh in an hlan hna i, Check Point, Sizung le lam tibantuk congtu ah hman hram an thawk hna. Hi bantuk pension a la cangmi ralkap tthing pawl an hlanmi hna hi Naypyidaw ah an tam khun.

Naypyidaw khuasa pakhat nih, “Kan sang lam a hngaktu ah pension in aa din cangmi ralkap tthing pawl an hman hna. Ni khat ah tangka 8,000MMK an phalh hna,” tiah Ayeyarwaddy Times ah a chim. Naypyidaw lawng si loin Myanmar ramchung hmun cheukhat zong ah ralkap aa din cangmi pawl an hlanmi hna an um len.

Aluancia thla 2 hrawng ah khan cun nikhat ah 10,000MMK an rak phlah hna nain atu ah cun 8,000 MMK ah an tthumh hna.Hi nihlawh in an hlanmi pension ei ralkap tthing pawl hi Gate hngaktu le innchungkhar cazin checktu zong ah an hman tawn hna. October 2021 in thawk tthan dingmi Chin miphun runvennak lakhruak fund (Emergency National Security Fund-ENSF) ca ah ramleng khuasa, rian ngei Chinmi zapi nih thla khat ah $100 nak tlawm lo thazaang chuah cio ding in CNF nih sawmnak ca a chuah.

Rian a ngei lomi hna zong nih mahle ti khawh tawk cio in thazaang chuah ding in forhfialnak le sawmnak an tuah chih. Hi hlan ah ENSF fund thawh ding in sawmnak voi khat rak tuah a si cang i, atutan hi a voi hnihnak a si.”Miphun chanhchuahnak ah thisen sung a luan cang bantuk in a taang rihmi rianhma pehzulh awkah Chin miphun dihlak ttuanvo kan ngei,” tiah sawmnak ah an langhter chih. Crd; The Chin Journal

Mon ramkulh Kyaitthu(က်ိဳက္ထို) peng Sittawng khuahlun pawng Kanni khua hleidonh ah September 22 zaanlei ah ralhrang phu motor pakhat bombpuah a tong, motor cung ah a ummi rallokap minung 25 an thi, minung 5 nih hliam an tuar tiah theih a si.

“Ralhrang motor cu lamkam ah a tla, minung 25 an thi, 5 nih hliamhma an tuar, bomb puahhnawh in doh an ton hnu ah, ralhrang phu hna nih khuami motor pakhat cu an kah caah minung 3 nih hliam an tuar” tiah KNU lei in Tongmangham pakhat nih a chim tiah Salween Press thawngzamhnak nih an langhter.

Bomb puahhnawh in doh an ton hnu ah ralhrang bawmtu ding in ra mi phu hna he kaphnih kar kahdohnak a chuak, cu kahdohnak ah cycle a cit mi Meeyongyi khuami pahnih kuan nih a khen hna caah an nunnak a liam. Kanni khua minung umnak inn chungah hriamngan a tlak caah tar pakhat hliam tuar, a hliamhma a lu ah voi 7 in an thitpiak tiah khuami hna nih an chim. Crd; The Chin Post

Be the first to comment

Leave a Reply

Your email address will not be published.


*