Min Aung Hlaing Le A Uico Rual Hna Cu, Min Dat Khuapi Chung Ah An Lut Cang Tiah Theih A Si Cang.Zei Ruang Ah Dah An Luh Khawh ?

Mindat mipi le CDF hna nih cun, kawl ralkap Uico hna cu, caan zeimazat chung cu, Mindat khuapi chungah luh an sianh hna lo hnu in, a tu Zinglei sml. 9:30 hrawng in Mindat mipi le SAC ralkap pawl caan saupi an i kah hnu ah Mindat khuachung ah SAC ralkap pawl an lut cang, tiah thawng kan theih.

Mindat khualuh lai ah a ummi khua pakhat i inn pawl zong SAC ralkap nih an khanghpiak hna i khuami a zaammi an um len.
Mindat khuachung i inn kip ah SAC ralkap an lut i, pa paohpaoh tlaih ding in an kawl hna.

“Nihin zinglei kahdohnak ah CDF-Mindat nih lampi in SAC Ralkap pawl an kham hna nain SAC lei nih Grenade Launcher le RPG tiang hmang in an kah hna caah Lai meithal lawng aa tlaihmi CDF hna nih cun, an cerh lo i, an tlik tak hna tiah theih a si.

Uico ralkap hna cu an cerh lo hna caah,Mindat pawl cu hnu ah an i thawn thluahmah i Mindat khua tiang SAC ralkap an luh khawh hi a si,” tiah khuami pakhat nih a chim.Nihin zinglei kahdohnak ah kap hnih a thimi le hliam a pumi an um le um lo theih a si rih lo i a thi mi le ai hliam mi hna cu an um hrimhrim ko lai tiah zumh asi.

Credit : The Chin Journal

Be the first to comment

Leave a Reply

Your email address will not be published.