Min Aung Hlaing Nih A Chim Mi Poh Hi Mipi Nih Zulh Lo Ding.

Hi thil hi a herhtuk mi asi. Ralhrang hna nih an rian ttuan nak antuah mi ah kan bawmh hna tinak asi lai.Ming Aung Hlaing le a Ralkap pawl cu CRPH nih Vuleipi theih in Cozah an si ti lo tiin a phuang cang caah nan Meithal kanmah sinah ap dih ulaw anti mi zong hi an nawl ngai hrimhrim lo ding asi.

An chim mi pohpoh do ding asi cang. Chin miphun nih kan meithal an mah sinah kan ap sual ahcun an ma khi cozah an si ko tiin kan pawmpiak mi he aa lawh cang cu caah ap hrimhrim lo ding asi.. An chim mi pohpoh pakhat hman zulh lo ding asi. A herh ahcun kan do ve cang ko lai cucu kan dirhmun zong asi awk asi cang.

Min Aung Hlaing le a party hna hi an lung dawngtuk cang i, zeihmanh tuahding an theih ti lo caah,an ni bochan tuk mi meithal cu an hman cang i mipi an kan kah cang ti hi thei u sih.kawl ralkap hro cernak te hna nih hin sau a deih bal lai lo ti hi zum ko u sih.kan ni tinh mi kan hmuh khawh nak dingah, kan zumh mi kan pathiam hi i bochan in kal peng ko u sih.

Credit: Bawi za mang.

Be the first to comment

Leave a Reply

Your email address will not be published.


*