Min Aung Hlaing Nih A Rak Chim Cia Bang In Tlang Cung Hriam Tlai Pawl Hna Lak Ah,KIA Cu Vanlawng In A Kah Cang Hna.

Ni hin 26/3/2021 zinglei suimilam 3 hrawngah khan hriamtlai phu hna lak i, kan ni bochan bik mi hna pakhat si mi KIA hriamtlai phu hna cu, Min Aung Hlaing party nih cun, vanlawng pahnih bak in akah cang ve hna tiah theih asi.KIA lei biachim tu nih cun,zeihmanh kan chim lai lo i,phungning in kan kal te ko lai tiah a chim.

An kah nak hmun hi,Shan ramkulh chung i,(Nam Sheng) khua pawngah asi tiah theih asi.A si nain KIA lei biachim tu pakhat nih cun,mipi sinah zeihmanh chim ka tim lo i, pakhat te chim ka duh mi a um.cu cu kan biak mi kan pathian sin tu-ah thlacam in,rak kan bawm cio ko u ti hi ka chim duh mi cu asi tiah a chim.ralhrang hna nih vanlawng pahnih in an kah nak hna ah hin, a thi mi le a hliam mi zei hmanh puan asi lo caah zeihmanh kan theikho rih lo.

Hi ti i,Min Aung Hlaing le a ralhrang hna nikhat hnu nikhat in,an sualchin lengmang nak hi,an mawh hrimhrim lo.an tuah hngading mi thil vialte an tuah dih cang i, hlohtlin nak zeihmanh an hmuh khawh lo caah a si cang.Cu long silo in, an lungdawng tuk cang i, an ngeih chin mi vanlawng cu an hman cang tinak asi.

Hi bantuk in thil an tuah mi nih hin,ni zeizat le caan zeizat tiang dah a deih/a nguh te lai ti cu, a caan nih arak phanh tikah theih asi te lai cu.A tu lio ah hin an ralhrang hna hloh pekding le, an ngeih set ti lo caah,Naypyidaw ah (Coh sing)saw nak puai zawng tuah an ni timh cang tiah an chim.

Credit : KIA & KNU (Ttat Ma Ha)News

Be the first to comment

Leave a Reply

Your email address will not be published.