Min Aung Hlaing Nih Cozah Zung Rian Ttuan Mi Poh Cu Zung Kai Ding In A Ti Hna I An Buai Ngai.

Kawl Ralkap Nih A Cozah Office A Kal Duh Lomi A Cozah Officer Pawl Cu An Rian: Mah hi thil hi Miat ah a cangmi a si tiah theih a si i kawl ralkap uknak ruangah hin kawl ram a cozah kut tang rian ttuan vialte hna cu an rian in an chuak dih hna caah a tu hi kawl ram cu sunghzatlaknak nih a nenh ngaingai cang. Cu caah kawl ralkap hruaitu Min Aung Hliang nih cun, mah cu a rian in a chuakmi a cozah rian ttuantu vialte hna cu nan rian ah rak ra tthan hna uh tiah a ti hna.

A sinain an rian cu an pehzulh duh hlei loh i a mipi he ralkap uknak cu an doh tti ko hna. Cu caah Min Aung Hliang cu a um kho ti loh i a ralkap pawl cu mah hi a cozah rian ttuan pawl an rian pehzulhter dingah a thlah hna tiah theih a si. A sinain CDM timi Civil Disobedience Movement cawlcanghnak bu chungah ai telmi mipi hna nih kawl ralkap pawl cu an rak kham hna caah zeiti hmanh in hmai an kal kho ti loh. Cu caah mah cu a cozah rian ttuan pawl an rian pehzulhter dingin fial an sinak cu an tlinh kho loh tiah theih a si. A ttha tuk.

Lai capar rel ding kan chiah chap. Tv cu ka hmih. Zei hme a ti hnga aw lengah chuak hlah ka ti ko bu cun ka ti i rian kongah tluang lo pah he cun ka thin a tawi i ka phunzai. Zanlei cu a si cang i mui ai tim pah cang. Inn lenglei in kutka ka hrenh ko nain inn hnu lei kutka in a rak chuak le si ti cu ka theih. Rak lawi cikcek seh ka sik lai timi lungput he leng lei cu cuan in ka dir.

Thaizingah inn ngeitu a rak ra ding a si cang. Phaisa nih ka ngeihmi a dih bak cang fawn. Edward sin ah va cawi ding zong a ngei ve ti bak loh. A mah zong a lungre a thei ngaingai. Sinain ka theih hngalh sin in kan cawi piak ko lai tiah cun a ka ti ta. Cu zong cu a fiang rihmi a si loh. Keimah tawk in cun ka lungre a thei taktak i hi ti hin ka chimhmi a rak ngai lo fawn lo caah ka thin a hang chap ngaingai.

Rak lawi seh leng ah chuak hlah ka ti komi cu tiah zeitin ka sik lai i ka mawhchiat lai timi kai ruat. Ka ruahmi a dong hlan ah na ruahmi ka theih tiah ka hnu lei in aw pakhat nih a rak ka ti cu ka theih i ka lau ngai. Cu aw cu ka a mah aw a si. Kai her i mirh tein a ka zoh i coka kutka hram ah a dir. Ka ruahmi a theih tak hlah maw ka ti i ka lau pah. A sinain zei si lo bantuk in ka um i lengah chuak hlah kan ti ko kha teh a tu bantuk khua a mui hnu ah leng na chuak cu ka lungre pei thei cu zei dah na va ti le tiah aw thang pah nawn in ka hal.

A tu lawng bak hi a hmaifang cu keimah lei a hoih a si caah fiang tein a hmaifang cu ka hmuh cang. Cun a sam hna cu a hnu lei ah ai chiah dih hna caah a hmaifang cu a ning tein a lang dih. Ai dawh taktak khi si. Minung muisam ah hi bantuk muisam a um lai hi zumh a har ti tlukin ai dawh.A muisam ka zoh i ka thin hannak cu a zor manh ka thei loh. Ka zoh i ka ngong ko. Ka aw a thang pah nain a hmai cu panh tein a um ko i keimah zoh bu tein keimah lei ah ding tein a rak ra. A kut khatlei cu a hnulei ah ai chiah i na mit chin tiah a ka ti.

Ka ngongmi cu ka van i hlau tthan i zeitin e tiah lung fiang lo ngaiin ka hal. Nai chin lai maw tiah panh tein a ka ti tthan. Zei mit chinh kong hme na chim leng na chuaknak a ruang zong na ka let rih ttung lo tiah ka leh. Ka aw cu a thang pah rih i ka hmai zong a chia pah rih. A ruang cu a min men inn a cawngtu le a lutlai a si caah ka nawl a zulh lomi kha ka lung chungah a cam pah rih. A sinain a ka zoh i a ha lang tiangin a ni i a nih ah hin ai dawh chinchin ti cu ka hmuh.

A mah he nih tti ka duh ngai nain pa ka si caah kai sum i ka hmai cu tlawmpal kai hakter hnu ah ka thawpi cu ka chuah. I chin zawk hih tiah a nih pah in a ka ti tthan.Ai dawhmi a muisam le a aw nem nawl peknak cu sau ka el kho ti loh i cu caah ka mit cu kai chin. Cu lioah ka kut cu a rak lak i ka kut cungah thil pakhat a tawm in ai tawmmi cu a rak chiah. Khah i au cang ne tiah a nih pah in a ka ti.

Be the first to comment

Leave a Reply

Your email address will not be published.


*