Min Aung Hlaing Nih Hin,Nawl Ngeih Nak A Lak Mi Hi,A Tlam Tling Kho Tak Tak Lai Maw?

Min Aung Hlaing nih AaNa a tingnak hi thlakhat leng si cang i, a tutiangah cun,zeihmanh tlamtlinnak le cozah serkhawhnak taktak a ngei rih lo. March 11 ah khan ralkap hna nih cun, mmedia confrence an tuah i, an biachah mi cu, sizung le Centre Bank,Private bank te hna cu, hawn dih asi lai tiah arak thanh nain, rian ttuan tu hna nih CDM ah an rak luh dih cang caah,ni hin tiang hawn khawh lo in an um.

Cun mah hlan march 8 lio zawngah khan,meeting cu an rak tuah cang i,kawlram khuapi Rangoon le Mandalay karlak tlanglawng lam cu,tlanglawng kalter cang dingin an rak tuah cang nain nihin tiangah zeihmanh a tlam tling hawi lo. Hi lio ah hin ralhrang hna nih cun, tlanglawng mawngtu hna cu,an inah ankal hnawh hna i, cheukhat an tlaih hna i,cheukhat an tli hmanh.Sinain nihin tiangah tlanglawng cu,kalter khawh si rih lo.

March 12 khan sizung i rian ttuan mi hna,Doctor le Nurse te hna cu CDM an tuah caah,cheukhat an tlaih hna i, cheukhat cu an umnak inn in,an chuah ter tthan hna tikah,zeihmanh tlamtlinnak an ngei kho rih lo.Central bank le Private bank hna cu vawi zeimazat hawng cang dingin an ti hna i, Private Bank zeimazat nih cun an hawng duh hlei lo.


Cu hnu cun,an kut tang i rian ttuan mi hna hlawh pek ding an ngeih tilo caah,Mipi phaisa cu ATM ah lak a ni timh tthan i,ATM zawngah tangka arak um tthan tilo.Hi bantuk asi caah tlang cung mi cheukhat nih cun,anmah tein i tawlrelnak ngeih dingin, an ti cang. Tlamtlin lonak hi a tamtuk ko cang i,ralhrang hna nih hin,Cozahnak hi an (run) an serkho tilo ti cu a fiangtuk ko cang.

Hi a cunglei i ka rak langhter mi hna hi,a herh bik mi hna le a pawimawh bik mi hna tiah,ka rak langhter mi asi i, a dangdang zawng tamtuk a um rih.cu caah ralhrang hna nih hin AaNaa an lak mi hi,an hlawh tlinglai lo tiah vawlei cung mipi le ramkip nihcun an ruah dih cang mi si.

Ramkip mipi le mithiam hna nih ralhrang hna an hmuh ning le an ruahnak >>>.Vawlei cung ramkip le mipi nih an hmuh ning ah cun, Ralhrang hna caah cun, a tuin ralkap nih hin, zeihmanh buainak um lo in, mipi sinah nawlngeihnak hi pe cang sehlaw cu cu an caah a ttha bik mi le ram mipi caah zawngah a ttha bik mi, thil a si cang ti hi asi.

Cu loah cun, Min Aung Hlaing le a party hna cu, Iraq ram hruaitu Saddam Hussein bantuk in Court ah taza cuai ansi lai i,hri in thlai i,thah dih an si te lai tihi asi ko cang. Hi ca ka ttial mi hi a tlam tlin lotuk ti cu ka theih ko nain mipi lei nih tlawnpal an rak theih ve ah a ttha ka ti caah ka rak langhter mi asi.

Hi thil hi a tanglei i, Youtube link ah hin March 15 i thil a cang mi hna he khin,rak zolaw,na fiang ko lai.
https://youtube.be/34zgJZ14uk

Be the first to comment

Leave a Reply

Your email address will not be published.