Min Aung Hlaing Nih Inn Khangh A Fial Mi Hngak Chia Pate Cu Tlaih A Si Cang.

Min Aung Hlaing cozah thar nih Kawlram hrawk ding in thongtla le ngakchia a hmang cuahmah cang hna. Nizan ah khuapi hna sang tampi ah ralkap nih phaisa a pek i, sandahpiahnak ah aa telmi cozah riantuantu pawl a tlaihter hna nain mipi lei ttanrualnak thawng Min Aung Hlaing thlahmi misual pawl an hlawh tling lo.Mipi lei nih anmah tu an tlaih thluahmah hna. Nizan kha Yangon ramthen, Tharketa myone, Alun sang 18 lam ah inn an kanghmi zong kha hmuh a si i, tu zing ah a dawr a kanghmi nu nih a ngaihchiatnak zong a langhter len mi online video chung ah hmuh a si.

Ralkap nih uknak an lak hnu mipi nih duhlonak langhter in an hnu kan zulh tikah,Ralkap pawl cu um zia an thiam ti lo in mipi rawkralnak lawng an kawl lawlaw cang ti awk in an um cang.Kanmah cu mipi caah riantuanmi kan si. Tha tein na kan chimh ahcun zeihmanh kan in ti lai lo tiah a hal i cu ngakchia pate nih ka tih tiah a leh hna.Ngakchia pate cu a mitthli he a hnap he aa chiah ko. Cu ti cun a tlaitu hna nih bia an hal chih i a sining a phuan ve.

Ngakchia pate nih a chimmi cu, “Phaisa an ka pek in meikhangh an ka fial. Phaisa cu thonghra tlap a tom in an kan pek” tiah a chim. Mipi lei nih an hal rihmi cu.Meikhanghnak ah zei bantuk thilri naa keng tiah an hal i, ngakchia pate nih a leh hnami cu “Meikhanghnak ah zinan (datsi) le meittek kaa keng. Cucu anmah nih an ka pekmi a si” tiah an leh than hna. Mipi lei nih hawi na ngeimi tiah an halmi ah “hawi 3 ka ngei” tiah a leh hna.

Tutan hi a hawilei pathum cu an tlaih chih lo. Cucaah an tlaih kho rih lomi ahawile le alkap/palik lei nih phaisa pek in meikhangh le mipi fahnak pek an fialmi an tampi rih lai caah i ralring cio sih. video zawng a um ko nian ka chiah chih duh lo e.

Be the first to comment

Leave a Reply

Your email address will not be published.


*