Min Aung Hlaing Nih Internet Line Speed Cu Limit Tuah A Timh Cang.

Kawl Ram Ah Internet Line A Speed An Fumter Hlei Ah Limit: Uknak a latu a simi kawl ralkap nih a ram chungah deihnak zalen khawhnak caah a ti riangmang i a ram chung internet cu a rak phih bal cang. A tu hi firewall ser a timh ti bantuk thawngpang a um i a tu a fiang cangmi cu a ram chungah internet phunglam thar a simi hi a si tiah an chim.

Mah hi internet phunglam thar a sermi ruangah hin ineternet speed cu 15% in a zor tiah ineternet speed a zohfeltu NetBlocsk nih a chim.Hi bantuk in a kan kalpi lengmang ah cun,ralkap uknak cu,a chiakha taktak asi ko cang lai.internet lei long silo in a kakip ah mipi cu a tuartu kan si lengmang ko cang lai tinak si.

Zei ruang sat ah dah internet line hi an chah or limit an tuah timi hi kawl ralkap a cozah nih hrilhfiahnak a tuah rih loh tiah theih a si i cyber security leipangah mifim a simi Damien Manuel nih cun kawl ralkap nih an tlaih mi hna an umnak theih khawh lo dingin internet line hi a speed an fumter or an chah tiah a zumhnak kong cu AFP ah a chim.

Cu caah a tu hi kawl ram mipi hna cu ineternet an duh ningin an hmang kho hna loh i an duh ningin kawl an duh mi ram chung buainak thawngpang zong an i hmuh khawh hna lo tiah an chim.Kawlram ralkap nih thla hmanh akan uk rih lo nain,tthancho nak leiah kan hniam thluahmah ko cang.a kumbi in rak kan uk hna sehlaw,zeidah kan lawh te hnga ti cu ruahlending tampi a um cang.

Source : AFP

Be the first to comment

Leave a Reply

Your email address will not be published.


*