Min Aung Hlaing Nih Phung Thar A Ser Mi Le UEC,CNLD An Dir Hmun.

Min Aung Hlaing nih a sermi Union Election Commission ( UEC ) le a tulio Chin party pawl an dirhmun cu a tang lei bantuk in a si.February 1,2021 ah ralkap nih meithal in uknak a lak i kan ram cu ralkap uknak kut ah a um cang. Ralkap nih thimnak a dik lo a ti ruang ah uknak a lak. Min Aung Hlaing nih kum khat chung ah thimnak kan tuah than lai tiah bia a rak i kam.

Cu bantuk in Min Aung Hlaing nih thimnak commission cu a thar a ser. A hlun kha an hrawh i ralkap nih a thar an ser cang.Ralkap ser tharmi UEC nih ramkhel party pawl hna cu February 26,2021 ah Nay Pyi Taw an i ton ding in a sawm a chawnh hna tiah theih a si.

Cu kong he pehtlai in Chin party pakhat a simi ZCD nihcun ralkap nih a ser tharmi UEC he tonnak tuah ding cu kan lung a tling ko. Nay Pyi Taw ah i ton ding a si i Motor zong a tlamtling rih lo. Vanlong in maw kan kal lai a tlamtling rih lo tiah ZCD chungtuan Pu Gin Gam Lam nih a chim.

Chin party pakhat a si vemi CNLD nihcun ralkap ser tharmi UEC he i ton ding le ton ding biachahnak kan tuah rih lo tiah an chim. Cu pinah Asho party lei zong nih biachahnak kan tuah kho rih ve lo tiah an chim.

Ralkap nih uknak a lak hnu ah UEC thar a ser i ramkhel party vialte cu Feb 26,2021 ah ton biaruahnak ngei ding an sawm hna. Cheukhat party nihcun an duh lo i cheukhat party nihcun biachahnak an tuah rih lo tiah theih a si.

Ref: Chin World.

Be the first to comment

Leave a Reply

Your email address will not be published.


*