Min Aung Hlaing Nih Ramkomh Vuanci Thar Minung (11) A Thim Cang Hna.

Ramkomh Vuanci Zung (11) caah ramkomh vuanci thar minung (11) cu rian pek an si tiah ralkap zung nih tunai ah cathanh an chuah.Daw Aung San Suh Kyi nih a t’uanmi ramdang pehtlaihnak zung ramkomh vuanci caah U Wana Maung Lwin, ramchung vuanci zung le ramkomh cozah zung ih ramkomh vuanci caah Duh-Buchukci Soe Htut, Humhimnak zung ih ramkomh vuanci caah Buchukci Mya Htun Oo, Ramri zung ih ramkomh vuanci caah Duh-Buchukci Tun Tun Naung, Simanking le Tangka lei ramkomh vuanci caah U Win Shing, Chawlehthal nak le Ramdang Chawlehthal Pehtlaihnak zung ramkomh vuanci caah U Aung Naing Oo, Ramdang he riant’uant’i nak zung ramkomh vuanci caah U Ko Ko Naing pawl an thim hna.

Cun, Pianciazi zung ramkomh vuanci caah U Chit Naing, Biaknak zung ramkomh vuanci caah U Ko Ko, Lah Wah Kah zung ramkomh vuanci caah U Myint Kyiang le Ngandamnak le Lehpannak zung ramkomh vuanci caah Dr. Thet Khaing Win pawl an thim hna.Kawlram rampi thu neihnak cu ralkap nih tuchun February 1 ah an lak ih rakap lutlai Min Aung Hlaing nih tuzaan ah atubantuk in ramkomh vuanci thar minung (11) a thim hna hi a si.

Gen.Min Aung Hliang nih cun arak chimcia bangin kum khat chung nawl ngeihnak kan lak lai tiah a rak chim cang i,sihmanhsehlaw hi a chim mi bia hi,mithiam cheukhat nih cun,an zum hrimhrim lo ti si.Nihin zingka in atu tiangah ramdang leiin,mawhchiatnak le hrocernak a phunphun in ca anrak kuat cuahmah hna titheih asi fawn.sihmanhsehlaw ralkap nih cun zeihmanhah an rel lo i,kan ramchungah zeihmanh rak i ceih hlah uh tiah an leh hna tisi.

Ref. One News Myanmar