Min Aung Hlaing Nih Sukyi Cu A Rauh Hlan Ah Bia Ceih Zung Ah Nan Hmu Cawlh Ko Lai Tiah Bia A Kam Hna Hna.

Ralkap nih uknak an lak hnu in thong inn chungah nihin ni tiang an khumhmi ram pumpi huap ruahnak cheutu State counselor Daw Aung San Sukyi cu a umnak hmun inn ah ngandam tein a um ko, a rauh hlan ah biaceihnak zungah amah pumpak minung bakin a rak chuak te lai I nan hmuh te lai tiah, Min Aung Hlaing nih a chim.

Kawlram ah ralkap nih uknak hramhram in an lak i, cu duh lonak a langhter tu mipi hna ralkap nih an thah mi hna minung 700 leng an si cang timi hi Media pawl nih an porh tuk caah asi. A taktak ahcun a thimi cu zetceu tluk minung 300 hrawng lawng an si, tiah Min Aung Hlaing nih Thursday lio ah khan Phoenix thawngzamh tu sinah a chim.

“Minung 700 leng hrawng an thi timi a thimi min cazin zong a um lo, Media pawl nih an perh tuk caah asi. I buak tlak tein chim ahcun, mipi lei a thi taktak mi hi minung 300 hrawng an si. Kan mah ralkap lei zong tampi an thi ve ko cu teh, ralkap chung zongin minung 47 an thi, minung 200 renglo nih hma an tuar ve ko cu teh, tiah Min Aung Hliang nih a chim chap.

Tiluk thawng la tu reporter Fu Xiaotian nih Tiluk ram in Naypyidaw ah a um mi Min Aung Hliang cu online chung in biahalnak a tuah. Kawlram he pehtlai in ralkap nih kalpi a timhmi pawl hna I ceihhmai nak an ngeihnak interview kha friday zanlei ah khan an van thlak mi asi.

Ralkap nih uknak an lak hnu in kawlram chung party vialte hi democracy federal I tlaih in rampi kan hruai lai, tiah Min Aung Hlaing nih a chim than. kawlram pi hi ralkap nih kum 50 renglo chung a uknak in democracy lam lei kan van panhnak hmanh a sau rih lo, cu chin chap ah atu February ni 1 thawk in ralkap nih uknak an kan lak piak than.

Democracy a thawtnak a tep canimi mipi nihcun ralkap uknak duh lonak an langhter I cu ruangah ralkap pawl nih Hriamnam hmangin mipi an tuahto ning hna atu in cun ni 100 leng a kai cang. Lamzawh in duhlo nak a langhter mi mipi hna ralkap nih meithal in an kah hna, an tuk an vele hna, thawngzamh tu vialte an tlaih hna.

Ralkap nih mipi faktuk in an tuahto mi hna ruangah UN le Vawlei pi zong nih sual an phawt tuk hna. Ralkap nih uknak an lak ni thok in May thla ni 21 tiangah a thi mi an zate hi minung 812 an si i tlaihkhih a tongmi hi minung 4258 an si, tiah AAPP thawngzamh sinin theih asi. (Crd; RFA

Be the first to comment

Leave a Reply

Your email address will not be published.