Min Aung Hlaing Ralhrang Hna Cu, Pasaltha Rualhna Nih An Tleih Hna,Ralhrang Hna Caah Cun,Thih Lam A Nai Ti Nak C Ko.

Min Aung Hlaing ralhrang hna hi, discipline Sikan an nei ti hna loh. Acunglei ralbawi hna nih siikan anei lomi ralkap hna hi dan kan tat hna ahcun akan zamtak lai i, kan thangzaang atlom chin lai ti an phang caah duh paoh in an,

ralkap hna hi an um ter hna. Tahchunnak ah tuah hla uh an timi kha an tuah, Suimilam pakhat lawng na leng lai an timi hna kha ni 3 hna an tlau i an rak kir than tikah zeitinhmanh an ti hna loh, Aruang cu; kan ti hna ahcun akan zamtak lai i, kan thazaang ader chin lai ti an phang caah asi.


Discipline sikan an nei lo ruangah acunglei nawl ngainak tiang kha ahnursuan colh. Raltuk tikah abiapi bikmi teinak cu acunglei order zulh le ngai hi asi. Acunglei nawl ngai lo in ral vatuk khi sunghnak asilawng siloin mah le mah ikhawhdennak zong asi rih.

Cucaah ral tuk tikah sikan’ an nei lo lio can ahkhin va tuk khawh hna ahcun tei lengmang asi tawn,Voikhat cu ka hawipa kha zeitin nan khualtlawn cu atlam atling maw tiah ka hal, aka lehmi cu ‘sikan’ a neilo mi ralkap hruainak cun,

SIA le hruai hmanh ka duh deuh aka ti. Sia le cu kan hruaika ahcun kan tha aba ngai nain, ahnu ahcun alung adongh i, tha tein kan hruai than khawh, Ralkap sikan anei lomi cu kan hruai deuhdeuh hna kan tha aba deuhdeuh aka ti. Ralbawi pawl nih Sikan a nei lomi ralkap an hruai hna tikah ral an tuk hlan hrim in an ba cang caah ral an tei ton lonak khi asi.


Ralkap phung ah kan hawile athi mi hna kha izamtak phung asi loh, Athi mi ralkap hna kha an ruak lak in ralkap phung ning tein upatnak he i vuiding asi. Atulio Kawl ralhrang hna athi mi hna hi, mei in an ikhangh salam hna. Hi nihhin alanghter mi cu anmah le anmah hmanh kha an ipat ti lonak kha hmuh khawh asi.

Culawng asi loh, ralkap phung buar zong kha zei an rel tilo mi zong alang fawn. Adawthletmi cheukhat an chim ning ahcun ralram ah an ba tuk cang i, an ruak vuinak vawlei zong an cawh huam ti lo caah mei in an ikhangh mi khi asi an ti.


Zei ava si zongah atulio Kawl ralhrang hna hi an moral atla ngai pinah sikan zong an nei tilo, Hi lio caan te ahhin lungdongh lo tein, kan nusal tha hna le kan pasal hna hna nih hmai kan nor pi chin hram ko uh. Teinak kan hmuh deng maw timi tahnak pakhat hi,

ralhrang hna an lungdongh lio can le sikan an neih lo lio caan ahhin lung dongh lo in zeitluk indah hmai kan nor khawh ti hi tahfung pakhat cu asi ve.

Nungak tlangval kong lam thawng dang,Tlangval pakhat nih a duhmi nu cu nupi ding ah a sawm tik ah ai dawhnak hmun le a romantic nak hmun an i thim khun tawn i a hlei in rilikam te hna,nitlak lai te hna khi an i thim theu tawn.Zeica tiah a zungzal in theihpeng dingmi hmunhma le caan a si caah an sunhsak khun nak a si ve .

Australia tlangval pakhat kum 27 mi nih cun a nungak nu kum 32 nu cu Falkart tlangcung ah a kaipi i an pahnih te cun nitlak lai cu an cuan tti. Cuti nuamngai in nitlak liote an cuanh tti lio ah cun a tlangvalpa nih cun a nungak nu cu thitumh dingin a van sawm i a nungak nu cu ai lomh tuk ah zeiti umawk bak a thei ve lo.

A tlangval pa nih a sawmnak cu lunglawm tuk in a van cohlan i “Awle”a ti bak ah a tolh sual i lungpang cung in a tla.A tlaknak lungpang hi feet 650 tluk in a sang i a tlangvalpa zong cu a tlaih ve chih ko nain vanthat ah thing nih a rak kham i pa cu a tang .A Nungak nu zong cu a vanthat tuk ruang ah vur lak ah a va tla i a thi lo. A pawngkam i a ummi pawl bomhnak in sizung ah a rannak in an tlikpi colh i nungak nu cu a nunnak an chanh manh a thi lo.

A taangmi a tlangval pa zong cu helicopter in mi bawmtu phu nih an va lak i an pahnih te cun an nunnak a him veve i an thi lo. Tlangvalpa tu hi a lu a kuai nain siaherh ding cu a um lo. An pahnih thilton hi khuaruah har ngai a si an ti cio hna. Hmailei fa an ngeih tik tiang in hi ni te hi zeitik hmanh ah an philh khawh tilo mi ni ah a cang lan cang lai.