Min Aung Hlaing Uico An Hrang Chin Chin Cang, An Lung Dawng Tuk Cang Si Hnga Maw?

Min Aung Hlaing Uico hna nih cun,CDM a tuah mi hna cu an tlaih thluahmah hna hnu in, sualnak a ngei lo mi ngakchia hna cu an tlaih hna i, faktuk in an vuak hna lengah an hrem chih cang hna. Hi bantuk thil an tuah mi hi, Ming Aung Hlaing Party hna nih hin, sunghnak le zawtlaknak lei an panh thluahmah cang caah asi tiah mipi lei nih cun an chim.

Mipi sualnak ngei lo mi hna cu, chun le zan hmanh um thiam loin an tuah cang hna i, nizan hmanh ah khan sizung i rian ttuan mi hna cu, CDM an tuah caah sibawi le nurse hna cu, sizungin an chuah ter cang hna.Hi bantukin an sual chinchin nak cu, CDM ah a lut mi an tamtuk cang caah,an lung dawngtuk cang i, hngakchia cungah kut thlaknak hi an tuah mi asi cang tiah an chim mi cu asi.

Nizan March ni 12 zawngah khan hngakchia pakhat cu Mandalay ah an tlaih i,duhtawk in an vuak hnuah hremnak an pek tiah theih asi. Hi hlan zawngah lakphak ti dawr chungah an luhhnawh hna i, mipi sualnak ngeilo mi hna cu kut an thlak cang hna ti si i, hi bantuk tuah sernak hi ralkap ralchia umtu ning asi tiah an chim.

Min Aung Hliang hi amah Pumpak zawngin lengah a chuak ngam tilo i, a aiawhtu Gen- Soe Win long te hi a hman cang tiah an chim len. amah umnak zawng hi theih fiangkhawh siti lo i, a mui an hmuh lonak zawng hi zarhkhat chung asi cang tiah an chim.

Credit : Mizzima

Be the first to comment

Leave a Reply

Your email address will not be published.