Min Aung Hliang Hruaimi Ralhrang Cu Mi Hlen Rumro In Antang Cang

Kayin state, ramri hngak ralkap BGF umnak khua pawl cu khuachungah khua sa mi mino hna cu an khawmh hna i raldohnak aum nak ah hmaiah an kal ter hna tiah khuami nih an chim. Atu bantuk in mino an auh hna nak aruang cu.

Kayin state chung ah ralhrang le KNLA phu komh pawl kahdohnak afaktuk i ralhrang lei rank sang le ralkap cun BGF ralkap pawl athi mi an tam tuk caah asi. Hi bantuk in atuan kho lo mi hna cu tangka in midang nan fial hna lai i kahdoh nak aum nak hmun ah GBF ralkap caah nan kuat hna lai an ti hna tiah khuami chungkhar pakhat nih cun achim.Ahma sa ah cun gate(hauhruang) an congh ter hna, security nan si lai an ti hna, thlakhat ah hlawh Ks. 280000 kan in pek hna lai an ti hna. Asi nain atu ah cun kahdoh nak ah BGF ralkap pawl athi mi an tam, hliam tuar an caah khuami pawl an auh in BGF ralkap an tuan ter hna hi i hlawh pek loin raldoh nak hmaisuang tu ah an chiah hna. An kal kho lo asi ah cunĀ  midang tangka in an fialter hna Thai tangka 10000 hna an liam terhna.

Tangka ape kho lo mi cu hmun khat ah an chiah hna i mee(lottery) an zuh ter hna i mee an zuh asi an cun an duh zong duh lo zong ah hmai ah an kal ter hna. Kan fa le ral hmaisuang ah an kal ter hna hnu in cun voikhat zong kan pehtlai kho ti hna lo atu ah cun thla 3 hrawng asi cang tiah khuami pakhat nih cun achim.BGF he aanaih niam mi nih an chim nak ah cun avoi khat nak ah cun company ah rian nan tuan lai tibantuk in an ti hmasa hna. Hngakchia hi hlawh pek in an lemsoi hmasa hna. Cun thlakhat thlahnih hrawng ah cun hauhruang an hngah ter hna rian hna an fial hna.

Cu hnu cun ralhmai suang ah an kuat hna. Cu lawng cu si loin LaiBauwi myone ah cun lo ah akal mi hna pa hngakchia vialte cu ralhmai ah an kuat dih hna tiah theih asi. Atu tiangah hin KNU hmunhma chungah ralhrang hna le KNLA phu komh hna cu fakngai in an i kap cuahmah.Cu caah BGF ralkap hna cu ralhrang an va bawmh hna tiah raldoh nak hmun thawng thanh nak in theih asi. Atu kahdoh nak ah hin BGF ralkap le hruaitu pawla athi mi le hliam tuar cu zaa in an um i an nung bu in tlaih mi zong an um, cun hriamnam tling he KNLA sin ah akal mi an um i ralhrang rian tuan duh ti loin atli mi zong an tam tiah theih asi. Source: KIC