Min Aung Hliang nih nawl ngeihnak a lak hnu in USDP party a tanhtu mi 253 thah an si cang

Min Aung Hliang nih nawl ngeihnak a lak hnu in USDP party a tanhtu mi 253 thah an si cang
==========

USDP Party chungtel hna innchungkhar chungtel a tanhtu hna cu ralkap nih nawlngeihnak a lak hnu thla 7 chung ah a dihlak fonh in mi 253 thah an tong cang tiah USDP Party nih September ni 3 ah ca a thanh.

September thla thla ni 3 ah a chuah mi cathanhnak ah thah a tong mi mi 253 le a dang ramkhel party chungtel hna, security bu hna, Ram riantuantu hna le mipi lurel hna cu an tam ngai cang tiah a langhter.

Cu hlei ah NUG i hramhram in thilthalo a tuah mi hna cu duh lo nak langhter, tehte langhter ter nak ah Change.org website ah sign lak nak Online Campaign an tuah ko natein Website lei in an hrawh piak hna tiah cathanh nak ah ai tel.

Azapite in sign 46,270 a phan ah mah wesibte cu hrawh piak a si tiah theih a si. Website hrawhpiak a si hnu in Online Campaign cu a tuah than i September thla ni 2 a phan ah cun a duh,dirpi tu sign 2 Million(Sing.20) lonh hmuh a si cang tiah theih a si.

Sihmanhsehlaw zeibantuk hman in zeitik ni ah mah sign 2 Million cu a hmuh ti cu fiangtein an langhter lo. Online Campaign in a hmuh mi sign le PDF hna i thilthalo an tuah nak hmanthlak, video hna cu ramchung/ramleng in a pehtlai mi bu (department) hna sin ah ka kuat lai tiah USDP party nih a chim.

AAPP i cazin ning in mipi 1000 lonh a thattu ralhrangbu cu USDP Party nih a dirpi bak. Party nih cathanh a chuah mi ah NUG le CRPH hna nih thilthalo an tuah mi hna cu a ran khoh chung in a ngol khoh nak ding ka zuam lai tiah a tial. Crd. Mizzima

Be the first to comment

Leave a Reply

Your email address will not be published.