Min Dat CDF Nih An Thah Mi Hna Ralkap Cu,Kan Thah Mi An Si Ko Tiah Pawm Nak An Ngei Cang.An Rak Tam Ngai Ngai.

Ni hin May 14 tuni zinglei suimilam 10am hrawnghrang ah khan Kyauthu khua in Mindatkhua lei ah a rak rami ralkap mawtaw 6 hna cu lampi ah Mindat-CDF hna nih an kah ciammam hna cu tam tuk an thi tiah theih a si.

Hi an ni kah nak ah hin,An thih lawng hmanh si rihloin an mawtaw 6 le an meithal kah nak seh thilri hna zong an lak piak rih hna. Cun athahmi hna rual cu a pon in an pon ko hna ti asi. Zeizat an si ti taktak cu afiangin an langhter lo nain mawtaw 6 hmanh in an rat mi cu an tam taktak ti aa fiang ko.

An mawtaw hna zong ciam dih lak in mei in an khangh piak hna. A hmasa deuh ah khan cu khat taktak mawtaw 6 bak in an ra nain atu ahcun an mawtaw he an minung he an ciam dih titluk asi.

Hi bantuk tiang in mipi a kilveng tu CDF-Mindat hna nih ralhrang an thah khawh hna hi lamwh pi awk an tlak taktak. A cheu titluk cu an zam manh ve ti a si. Hnriamnam ngan in nizan ah an kah hna caah CDF lei in minung pakhat anunnak aliam ve. Cun tuni zongah khan pakhat athi ve tthan tiah theih a si.

Be the first to comment

Leave a Reply

Your email address will not be published.


*