Min Dat CDF Nih Cun, Ralkap He An Ni Do Nak Ah, An Ngawl Chung Nak Konglam Fiang Tein A Vun Langh Ter Cang.

CDF Mindat i ngawl ngei tu bik le ralhrang konglam ah thongpang fiang tein an vun thanh cang.Kan nih chin miphun cu, mah tein a um peng mi kan si i, kan thil tuah mi ah hin palh nak pakhat hmanh kan ngei lo.mi hi a hramhram in kan ti hma sa bal hna lo i, an kan tih hnu long ah kan a let tawn mi kan si.A tu zawngah hin dai tein um kan ni zuam.sihmanhsehlaw kan hmai ka i a vun langh tik ah cun tuah lo awk a tthat lo caah kan tuah mi si ko tiin an chim.

Ralhrang le CDF-Mindat kahdoh nak hi April 24-27 acun ralhrang lei 30 leng an thi. Asinain CDF lei pakhat hmanh an thilo inung pakhat belte hliamhma cu atuar cu zong cu fak tuk in atuar lo. Avoi hnihnak kah dohnak hi May thla 12-14 tiang asi kanmah lei ah minung 7 hrawng kan thi ii an mah ralkap lei hi a tlawmbik minung 30 in 40 poah cu an thi lai. Cu lawng sirih loin an meithal le thilri hna le an mawtaw vialte kan khangh piak dih hna tiah achim.

Zei ruangah dah ralhrang kah dohnak a ngol timi biahal nak cu kawl media pakhat nih avun hal ii a tanglei bantuk in lehnak a vun tuah. Achimmi cu kan mah mipi hna kha hmaikal ah an ser hna cu tikah kan kah hna asi ahcun kan mah mipi chung lila an thi lai. Dawr le mipi vialte harnak fak kan pek hna lai.

May 16 chung lanwg hmanh ah bawdah pawl le adang hmun pawl kha khuachung ah hmun 60 hrawng an kah cang. Mah bantuk in kan mipi cu kan kah piak hna hlah uh kan hrial piak ko h kan ti hna. Kan mah CDF lei nih kan kah ve hna asi ahcun kan mipi caah fahnak le temhnak faktuk pek ding asi caah kanmah lei nih kan hrial chung hna hi asi. Hnu kan chit tak chung hi asi tiah achim.

Zei can tiang dah kahdoh nak hi nan tuah lai tiah ahal mi ah cun CDF-Mindat upa akhat nih kan nih cu mipi ralkham piak tu kan si bangin mipi ttha tein luatnak kan hmuh hlan chung asi kolai. Ralhrang kan tei hna hlan lo chung poah cu kan doh ko hna lai.

Atu zong hi kan thazaang azawr hleilo ii hriamnam zong tling tein kan ngei ko, ttihnak zong kan ngei hlei lo. Kan pupa chan in kan ram asimi Chin ram zong kan kut chungah kan lak tthan lai. Cu caah ralhrang vialte kan tthawl dih hna lai. Hi thawngpaang hi kawl Media ah zumhtlak asimi nih CDF-Mindat upa chungah biachim nak nawl angeimi bia halnak chungin a tawinak in vun lehmi asi.

Be the first to comment

Leave a Reply

Your email address will not be published.


*