Mindat Khuami Chungkhar, Khar 2 Thawngpang Theih Cu, A Num Lo Tuk E, SAC Ralhang Hna Nih Cun, Bomb An Chiahmi Nih Cun.

Chin ramkulh, Mindat-Matupi lampi karlak Magaing  khua pawngah April 2 ah khan mipa pahnih hna cu Sia an kawlnak ah bomb an lamhsual caah an nunnak a liam.

Bomb lamhsual nakin a thimi hna cu Magaing khuami kum 60 upa leimi pakhat le mino deuh simi pakhat an si,hi hna pahnih nih bomb an I lamh sualmi hi, SAC ralhrang nih an rak chih mi bomb a si.

Mindat-Matupi lampi karlak ah SAC ralhrang ralkap nih vawlei tangah bomb an phum caah Mindat mipi hruaitu phu zong nih cuka lampi in ahohmanh kal lo dingin March 18 ah khan cathanh an chuah cang.

PDF hna nih cun, cuka hum cu, SAC ralhrang nih bomb an hmenh ruangah a ho hmenh kal lo dingin, cathanh zong, march thla ni, 18 ah khen an rak thenh cang mi si.

Cathanh zong cu an rakchah cang mi zong cu a si ko nain, SAC ralhrang hna nih cun, bomb an rak chiah nak le an Sia an um nak he a rak I khat ruangah bomb cu I lamh sual in an nunnak a liam nak hi a si.

Apoi tuk hringhren e, hi hna pa 2 hi, SAC ralhrang hna nih cun, bomb an chiah nak hmun ah cun, an sia cu a um ti an theih caah, anzuat sia cu, kan neih chun sia sathil pei maw an si cu tiin, an valak nak ah an mah tu an nunnak a liamm hi a si.

Thawng pang dang, Sagaing ramthen Tamu peng, Tamu-Khampat motor lampi cungah Tamu PDF Battalion-2 nih April 3 ah khan hmunhma thenh in 125 motor pakhat cu dinter in checking an tuah tikah toolbox chungah ritsi an tlaih tiah theih a si.

Cu he pehtlaiin ritsi a hmangtuzuartu inn pakhat an luhhnawh tikah a zuartu le hmangtu 13, phone 6, ritsi chunhnak ah hmanmi siring 300 lengkai, WY hursi 45 tlang, chatpia chiahnak ah bing phyu bu 3, bing phyu dur 1 telh in phaisa 62400 he an tlaih.

An tlaihmi ritsi le thilri dangdang cu mei an khangh. A zuartu hna zong a hmasabik le a hnubik in ralrinnak an pek hnuah an thlah than.

Tamu PDF Battalion 2 nih kum 2022 March 30 ah cathanh an chuahmi ahcun Kalay-Tamu lampi in ritsi phor in zuar lo dingin ralrinnak an pek cang hna i, hmailei zongah atu bantukin nawl ngai loin.

ritsi kan in tlaih than hna, a si ah cun, kan in ngaihthiam ti hna lai lo, fak taktakin dantatnak kan in pek cang hna lai tiah ralrin nak le thawng thanh nak cu an tuah.