Mindat Le Kalay Kahdoh Nakah Ralhrang Lei An Tuar Tuk

Ralhrang hna nih hin Khrihsmat hlandeuh December ni 17 thawk khan Mindat peng ah hin hmun 2 ah an kah hna caah Chin mipi kilveng tu ralkap CDF Mindat le ralhrang hna hi December ni le 27 tiang ah hin voi 8 tiang hrawng an I kaap.

Ralhrang minung 150 hrawng cu Mindat peng khuate paruk hrawng ah an kah hna I cu kahdoh nak ah cun ralbawi rank ngei pakhat telh in minung 8 an thi tiah CDF Mindat in bia chim tu salai Yawmang nih cun achim. Cun hliam hma atuar mi tu cu an tam i CDF Mindat Sitmuai khua kahdoh nak ah anun nak aliam ve tiah theih asi.Cu Mindat khuapi chung kah doh nak ah hin ralhrang hna nih hriamngan (letnetkyi) in an kah ruangah mipi umnak inn hi atlawm bik inn 5 hrawng cu an rawk I Wanthu sizung zong hriamngan in an khen I arawk ve tiah salai Yaw Mang nih cun achim chap.

Cu pinah ralhrang hna nih hin khuami hna I vok, Ar hna an thah hna I an ei hna. Cun kum 12 te lawng asi rih mi le ramlak ah ralzam in aum mi khuami minung 3 zong an tlaih hna I an kal pi hna tiah salai Yaw Mang nih cun achim.Atu ah hin ralhrang hna cu Simuai khua in Mindat lei ah hnu an kir i cu caah atu lio hi adaih lio ah acang. Asi nain Chin he ramri asi mi Sagai ramthen le Kalay thlanglei Natchuag ah cun December 24 thawk khan ralhrang le PDF Kalay, CNDF le Mipi kilveng tu Pah.Kah.Phah hna I bawm in kahdoh nak fak ngai in achuak ve.

December 23 in 27 ni 5 chung kahdoh nak achuak I ralhrang lei in minung 33 an thi I PDF lei in minung 2 an thi ve I minung 6 nih hliam an tuar ve tiah PDF kalay biachim tu Victor nih achim. December 23 ahkhan ralhrang lei hi minung 16 an thi tiah theih asi I December 23 thiam ah khan Kalay lein ralhrang bawmh dingah ara mi motor cu Zinkalin pawngah bomb an puah hna I ralhrang motor 3 ahrawh I cu hmunah cun ralhrang minung 17 hrawng an thi cu ni 26 kahdoh nak cu zaan asi I ralhranglei athi mi hi atu tiangah fiang tein theih khawh asi lo.December ni 23 thiam ah khan ralhrang hna nih Natchuang kahdoh nak ah ralhrang hnanih helicopter in an kah nak ruangah khuami minung 10 an thi I an ruak pa 5 hrawng char asi tiah PDF Kalay sin theih asi. December ni 28 ah cun ralhrang hna cu Natchuang in Chuangkhuah lei ah an kal I Mipi kilveng tu ralkap hna ve I ton in aa kaap than kho mi dir hmun asi tiah theih asi. Source: Khuhnuthung

Be the first to comment

Leave a Reply

Your email address will not be published.


*