Ming Aung Hlaing Nih Aanaa A Ting Hnu In,AA Le ANP Cu Dai Tein An Um,Zei Ruang Dah?

Ralkap Uknak Lak Hnu Ah AA Le ANP Dai Tein An Umnak A Ruang.Ralkap uknak lak ah zei ruang ah AA le ANP dai tein an um? Hihi na ruat bal maw? Na thei bal hnga maw dek.Ralkap nih uknak an lak hlan ah khan AA le Kawl cozah ralkap cu nifatin ti awk tluk in an i phomh. Thimnak lai a si caah tlawmpal an dai deuh.

Rakhine ramkulh ah thimnak a tluan khawhnak hnga an dai deuh. Cu bu ah Rakhine ramkulh myone 8 ah thimnak tuah khawh a si lo.Cankarlak thimnak tuah an timh nain an tuah kho thai lai. An tuah hlan ah ralkap nih uknak an lak lawlaw caah nihin tiang thimnak tuah loin myone 8 an um.

Ralkap nih uknak an lak hnu ah AA cu voikhat hmanh an holh bal lo. Ralkap he zong an i kap ti lo. Dai dep an um ko. Cu pinah Rakhine ramkulh ah Party ngan a simi ANP zong dai tein an um. Kaa khat zong an holh bak lo. A ruang a um lai ti kha cu ruah ding a si ko.Cu pinah Min Aung Hlaing nih rianngan riansang pekmi ANP nih an cohlan lo, an duh. An tuan fawn rih.

Ziah Rakhine ramkulh ah cutin an um hnga. Rakhine ramkulh ahhin ralkap uknak lakmi sandah piahnak a um setsat lai. Sittwe ah tlawmpal a um. Myone dang ah a um lo. An nihcun an dai ngai ko.Rakhine mipi, AA hriamtlai le ANP ruah ning ahcun tutan buainak hi NLD le ralkap pawl nawlngeihnak an i cuh mi a si tiah an ruah. An mah kawl le kawl an buai tiin an hmuh hna.

2015 thimnak ah Rakhine ramkulh ah khan ANP nih teinak an hmuh. Central ah NLD nih teinak an hmuh i NLD cozah an ser caah Rakhine ramkulh ah ANP cu NLD nih Chief Minister an pe duh hna lo. Rakhine ramkulh ah teinak a hmutu ANP cu NLD nih cozah sernak a pe duh hna lo.

2020 November 8 thimnak ah Rakhine ramkulh myone 8 ah thimnak kan tuah lai tiah ralkap le AA nih an i zuam i kahnak zong cikhat an ngol ko nain UEC nih a him lo a ti caah thimnak an tuah duh lo.

Be the first to comment

Leave a Reply

Your email address will not be published.


*