Mipi Hna Khah Sniper Kan Cawk Nain A Kuan Cawknak Ah Mipi Nih Nan Kut Rak Kan Samh Piak Rih Ko Uh Law

Mizapi nih nan thawh mi thawng in Sniper meithal ttha ngaingai cu kan cawk cang, asinain a kuan cawk nak caah harsatnak kan tong.Ralhrang pawl hmual ngei ngai in kan khawh hna nakhnga mizapi nan bawmhnak kan herh rih ko tiah DMO Local PDF nih thawng an thanh.Sniper meithal an cawk mi hi sing 360 kyats hrawng a si i, a kuan pakhat te ahhin 55000kyats a si tiah an langhter.

Relchap,Lai meithal i put in ram a vai mi Chin ramkulh, Tedim peng Saizaang, khuami pahnih cu SAC ralkap nih an tlaih hna hnu ah an nunnak an lak hna tiah khuami nih an chim.

SAC ralkap kut in nunnak a liammi Salai Pawng Za Mawng le Salai Pawng Sun Thang hna cu Hmuapi, khuapawng ramlak ah ni 6 chung ram an veih hnu an kirlei May 21 ah SAC ralkap he an i tong i an tlaih hna hnu ah an thah hna tiah chungkhar he neihniam in ummi nih a chim.

Anmah he hmunkhat ah ram vaih in a kirti mi hna cu hmai ah an kalchung caah an luat, Lai meithal he an si caah CDF in an ruah hna i tlaih an ton hi a si, inn an phanhlo caah hlathlainak tuah hnu lawng ah an nunnak a liam cang tiah theih an si. An pahnih in CDF chungtel tiin ruah an si caah SAC ralkal nih an thah hna” tiah a chim.

Khuachung mi pahnih thah an tonnak kong he pehtlai in SAC ralkal lei media nih cun cu khuami pahnih hna cu CDF chungtel an si tiah an tial.SAC ralkap kut in nunnak a liammi hna he neihniam in a ummi hna nihcun anmah cu mi sawhsawh an si, ramvaih in a paw ai cawm mi an si tiah an chim. Nunnak liammi Salai Pawng Za Mawng cu kum 29 a si i, Salai Pawng Sun Thang cu kum 21 a si.

Burma Army, Uses Guns to Demand for Forced Labor from Villagers. Cazin kan lak khawh ning ah SAC ralkap nih hramhram uknak an lak hnu ah SAC ralkap kut in Chin ramkulh chungah nunnak liam mi 200 tluk hrawng an si cang, cu chung in minung 6 cu Tedim khuami an si tiah RFA nih an tial. Crd: The Chin Post.