Mipi Hna Nih SAC Ralhrang Hna Nih An Thil Tuah Mi A Hlawhtlin Lo Nak Ding Ah  Nule Pa Kan Biapi Ngai

A ra laimi 2022 June thla chungah SAC nih, Chin ram chung ah sianginn on ding in timhtuahnak a ngeih mi hi, vawlei pi theih in kan ram a him cang, a dai cang, a hlan kel ning tein rian kan ṭuan cang, tiah langhter a duh caah a si.Cucaah SAC kuttang sianginn ah nu le pa nih nan fale nan kai ter hrimhrim hna lai lo, Chinland mizapi uknak tang lawng ah sianginn nan kai ter hna lai, tiah Chinland Joint Defense Committee(CJDC) nih cathanh a chuah.

SAC kuttang sianginn cachimtu Non-CDMers hna zong CJDC nih dantatnak kan tuah hna lai, tiah an langhter.Matupi Education Board zong nih, Matupi peng ah SAC kuttang sianginn kai lo ding le Matupi mizapi uknak tang lawng ah sianginn kai ding cathanh a rak chuah cang. Cu bantuk in Mindat mizapi uknak phu zong nih an rak thanh.

Relchap LSC Nih Salai Tum Kio Cung An Hnemhnak Le Roca Peknak. Salai Tum Kio Cung cu Lungding khuami hna kan caah tuarnak, fahnak le asangbikmi intuarnak thisen luan kha a poi a ti lo nun temtuar kha a sung a ti lo. Dawtnak kha i zawi peng in ram le miphun caah raltha tein Lungding khuami kan hmai a hngal ve cang lai tiah ruahchannak he kar kan hlan lio ah vulei pumsa in a hun kan then ko hi cu kan ngaih a chia i kan lung a fak hringhran.

A nunchung ah zumhtlak, bochantlak le Pathian saltha bantukin a nungmi a si. Vulei pumsa in kan kal tak hmanhsehlaw kan cung Pathian remhmi vanram nuam kan tlun tik cio ah hmaipanh te le lunglawm te’n a kan dongtu a si hrim lai ti kha kan zumh. Lungding Siangngakchia Chungkhar ( L.S.C) nih pumsa in kan ngaihchiat pin ah Roca cu kan pek, kan biakmi Pathian sinah a tlingmi hnemhnak cu tantakmi chungkhar dihlak cungah um ko seh.

Lungding Siangngakchia Chungkhar ( LSC), Lungding, Thantlang Township , Chin State, Burma. Upat Peknak Roca. Salai Tum Kio Cung nangmah cu na nunnak tiang thap in kan ram le miphun caah 12.4.2022 ah na nunnak tiang na pekmi cungah Lungding Siangngakchia Chungkhar (L.S.C) nih upatnak a sangbik kan in pek. Salai Calep Van Ro Pui (L.S.C) President. Salai Richard Ngun Cung Lian(L.S.C) Secretary. Credit: The Lairam Times.

Thawngpang dang. Tantaung peng chung council ralhraang hna cu NTDF nih voi hnih an kah hna i ralhraang 13 nak tlawm lo an thi.Karenni ramkulh, Tantaung peng chung ah Council ralhraang motor pakhat le ke ralkap phu khat hna cu May 28 ah NTDF nih an kah hna i ralhraang 13 nak tlawm lo thi le hliam an um lai tiah kan theih.May 28 zaanlei suimilaam 5:30 hrawng ah Tantaung peng, Kyautdaga khua lei in a ra mi council ralhraang 40 hna cu NTDF le tangti phu komh nih an kah hna i ralhraang 10 nak tlawm lo an thi.

Zaanlei suimilaam 6:00 in Kywegadaw khua in Shanlaypin khua ah rian i thlen ding in a ra mi ralhraang motor pakhat cu NTDF nih an kah i ralhraang 3 an thi tiah NTDF in Bo Moh Seih nih Yangon Khit Thit ah a chim.Cuka hmunhma cu KNU Brigade-2 humhaak mi chung ah a um mi a si i Tataungkyi peng Shanlaypin le Chinpaungtaung (Yuamah) hna ah council ralhraang hmaisuang sakhaan an um tiah kan theih. Oo Ko Gyi hruai mi NTDF cu KNU Brigate-2 chung um KNLA tangti phu komh pakhat a si. 2021 August thla thawk in council ralhraang he voi 20 hrawng an i kap i Captain 3 tel in ralhraang 150 leng kan thah cang hna tiah NTDF tuanvo ngeitu Bo Mouh Seih sin in kan theih.