Mipi Kan Ca Le Kan Chin Pasaltha Caah Thawng Tha C Ko Nihin March Thla Ni 28 Ah Australia Prime Minster Bia Chim Cu Lunghmui Kho Tuk Relkhawh Cio Rak I Zuam Uh.

Nihin cu Australia kan Prime Minster Scott Morrison nih Kawlram dohthlengnak kong he pehtlaih in biachimnak ah ka fa nu Rubi he kan i tel kho ve. Kawl community le tlangcung community mi nung tampi an i tel. Chin Community zong kan i tel ve.

Prime Minister nih kawlram kan in philh hna lo kan in bawmh leng mang ko hna tiah a chim. Community lei in minung pa hnih nih biachimhnak an ngei kawl community in sibawi pa le ka fanu Rubi an si. Rubi nih Prime Minister pa cu.

kawlram kan in philh hna lo tiah na chimh nain na kan philh ko rua tiah a ti. Kawlram dohthlengnak kan tuah mi kumkhat hlei a si cang zei hmanh na kan bawmhmi a um lo kaa lawng in chimh loin action fak deuh in nan kan lak piak a hau tiah Prime Minister Pa le Senator Dean Smith cu a ti hna.

Thawngdang

SAC nih uknak an laak February 1, 2021 thok in March 20, 2022 tiang kumkhat luan chung ah Myanmar ram pumpi in kahdohnak voi 3,302 tiang a chuak cang, tiah Institude for Strategy and Policy-Myanmar ISP(Myanmar) nih March 25 ah an thanh. Cu kahdohnak ruangah cun civil mi 642 nak tlawm lo an thi cang, tiah an langhter.

A luancia February 2022 cu kahdohnak a voi tam bik a chuah thla a si i, thlakhat chung lawng ah voi 584 nak tlawn lo kahdohnak a chuak. 2021 December thla hi civil mi a tam bik an thih thla a si i, kahdohnak ruangah civil mi 128 nak tlawm lo an thi, tiah ISP Myanmar nih an chim.

SAC nih uknak an laak kumkhat fai ah ramchung ah umnak chuahtak in ralzaam dirhmun a phan mi minung 752,589 an si cang i, uknak laak hlan i a rak zaam cia mi minung 497,200 he, an dihlak ah singhra(1,000,000) leng an si cang, tiah ISP Myanmar nih an langhter.

kawlram kan in philh hna lo tiah na chimh nain na kan philh ko rua tiah a ti. Kawlram dohthlengnak kan tuah mi kumkhat hlei a si cang zei hmanh na kan bawmhmi a um lo kaa lawng in chimh loin action fak deuh in nan kan lak piak a hau tiah Prime Minister Pa le Senator Dean Smith cu a ti hna.