Mipi Lei Dirh Kamh Tu Cu,Thisen Khat A Unau Nih A Thah Diam.

Ralhrang bawi nih a naupa mipi ralkap a thah! Bago peng, taikgyi khuapi ah a ummi unau pahnih hna karlak ah i thahnawnnak a chuak. A upa hi ralhrang hruaitu asi i, a naupa hi mipi lei ralkap asi ve. A naupa i a min cu Ko Soe Moe Hlaing ti asi i, nupi ngei in fa zong 3 a ngei cang.

Ralhrang duh loin a dohkalh ngaitu as i, mi harsa hna zong a bawm zungzaltu asi. Ko Soe Moe Hlaing cu ramkhel minthang pakhat as i, 88 kum zongah khan biatak tein a rak cawlcang mi asi. Burma Students Democratic Front (ABSDF) ralkap ah a rak lut i nawlneihnak latu ralkap a do tu asi.

Mah hnu ah nupi fate ngei in Bago khuapi ah an um. Aung San Suu Kyi nih Nobel Peace Prize a hmuh lio zongah Ko Soe Moe Hlaing cu ralkap pawl nih an tlaih. December 10,1991 ah Suu Kyi dirpinak ahtiin, lamzawhnak an ngei i, ralkap pawl nih an tlaih.

Kum 15 chung thong an thlak hnu 2016 kum ah Insein thonginn in a chuak tthan. Mah hnu ah tukum 2021 rambuainak ah ai tel tthan. A upa Lt. Gen. Than Hlaing cu ralhrang bawi as i, February 2, 2021 ah Deputy Minister of Home Affairs le Chief of Police sinak an pek.

Than Hlaing cu ralhrang ah misual minthang taktak mi as i, a kuttang ralhrang pawl sinah amah uknak tangah daite in lamzawhtu pawl hna cu meithal in a kahter hna. A kutchung ah sualnak ngeilo minung tampi an thi cang. An unau karlak ah an ruahnak ai khah lo ruangah an buai tawn.

Voikhat zongah Ko Soe Moe Hlaing nih ka U he ramkhel kongah kan dirnak ai khah lo ruangah ka U nih kan thah lai a ka ti tiin nih pah bu in a hawile pawl sinah a chim. May 22 ah an tlaih i, May 24 ah a thi tiin a nupi sinah an chim. A ruak cu an inn chungkhar nih an lak cang.

Hringtu an pa cu siibawi minthang Dr. Sein Hlaing ti asi. an nu le pa nih an dampi ti hna loh. USA ram ah a um mi hlanlio kawlram ramkhel Tun Tun nih nu pakhat nih a hrinmi chung in pakhat cu mipi ralkap as i, pakhat deuh cu ralhrang rianttuantu asi. Unau pahnih hna i thinlung cu a dang veve.Ramkhel kong ah a u nih a nau a thah ti cu ngaihchia taktak asi tiin a facebook cahmai ah a tarlangh.
Ref: R.N

Be the first to comment

Leave a Reply

Your email address will not be published.


*