Mipi Lei Ttang Palek Nih An Tlaih Mi Hna Cu An Thlah Cang Hna Lai

A ruang tampi ruangah tlaih a tongmi thongtla 29 cu min thutter in kan chuah hna, tiah Karenni ramkukh palik phu Karenni State Police (KSP) nih an langhter. An chuahmi hna thongtla minung 29 chung ah 22 hi Non CDM an si i, a dang 7 hi rit haisii case in an rak tlaih hna.

Karenni ramkulh palik phu nih an thlah cang hna lai. Humhimnak ca ah an thlah te lai ding ni le caan cu chim khawh a si lo. Tu thla chung ah cun an thlah ko hna lai, tiah thei a si. Non CDM kan tlaihmi hna cu SAC ralkap an bawmhchanh hna ca ah kan tlaihmi hna a si, tiah Karenni palik phu (KSP) nih an langhter.

Non CDM hna cu mi an that lo nain SAC ralkap tha an pek hna caah an tlaih hna i dan an tat hna hi a si, tiah theih a si. Karenni palik phu nih kan tlaihmi hna hi 70 leng an si i ralrin a herhmi hna tucu thong kan thlak hna. A dang pawl cu kan hren hna, tiah an langhter.

Thongtla pawl cu anmah tein rawlchuannak nawl an pek hna i, an chungkhar hna he chawnh biaknak nawl zong an pek hna. Karenni palik phu nih a luancia May thla 26 lioah thongtla 24 an rak chuah cang hna. June 21, kum 147 tlinnak camtuak Karenni Miphun ni cu Karenni ramkulh hmun tampi ah an tuah, tiah theih a si.