Mipi Leirawitu (Dalaan) Nuva Hna Cu Thah An Si Ve Cang.

Sagaing ramthen, Tatseemyo Mahamiang sang chung ah a ummi Dalan nuva hna cu mipi humhimnak lei tuanvo latu pawl nih dalan a si nak kong an theih ruangah May 22, 2021 ni zingka suimilam 8:15am hrawng ah mipi runvengtu hriamtlai phu nih an kah hna i, an pa U Ting Swe Aung cu a hmun ah a thi colh, tiah thawng theih a si.

Dalan nuva ruangah mipi humhimnak lei hriamtlai phu pawl duhning in an rak cawlcangh kho lo. Atutan meithal in an kahmi hna hi aho dalan paoh nih theihthiamnak an ngeih lo ahcun hmailei an caah a fak chinchin cang lai.An nu zong cu hliamhma a pu ve tiah thawng theih a si. Hi nuva cu ralhrang palik sinah mipi cawlcanghnak pawl duhlonak an langtermi pawl le duty nak hmun an tuahmi pawl an report peng tu an si. Cucaah, mipi humhimnak hriamtlai phu nih an sining fiang tein an theih hnu ah an kah mi hna a si, tiah theih a si.

Dalan pawl cawlcanghnak hi caan sau a nguh lai lo caah, Chin miphun chungin Dalan a tuanmi hna zong nih tuanah an sualnak nan i ngaihchih i, mipi sin lei ah nan tang lo ahcun nan chungkhar ning nan tuar tuk te lai. Atu lio hi caan tha tuk nan ngeih lio caan a si.

1. Lucifer hi thih-hri-molh zawtnak a ngeih hnu ah Pathian tluk si ding le nawlngeihnak (power) vialte lak a duh. Vancung ah ral dohnak a um tikah, ral a sung. Vancungmi cheu thum cheu khat a hlen khawh hna i vawlei ah aa tlakpi hna. (Bia 12:8-9). A hlen khawhmi vialte zong thih-hri-molh zawtnak a ngeihter dih hna.

2. Ahab siangpahrang le a first lady Jezebel zong Lucifer nih a hlen khawh hna caah thih-hri-molh zawtnak an ngei ve. Naboth an thah hnu ah a mitsur dum an chuh. Thih-hri-molh mi cu mithah le thil chuh hi zei ah an rel lo. MAH ralkap zong nih mi an thah, thil an chuh ve hna.

3. Bawipa nih “Ka thin na ka phawh hlei ah Israel mi na sualter hna caah Naboth thi uico nih an liah bantuk in uico nih na thi an liah ve lai” a ti.(1King 21:22). Raldohnak hmun ah mipakhat nih tinh setsai mi ngei loin thal a kahmi nih Ahab cu a khen. A thi cu uico nih an liah ve (1King 22:34-38). A nupi Jezebel zong sar thih in a thi i a sa kha uico nih an ei.(2King 9:37)

4. David fapa Amnon zong Lucifer nih a hlen caah thih-hri-molh zawtnak a ngei ve. A farnu Tamar kha a tlaihhrem hnu ah huatnak fak ngai in a huat. Absolom nih rawldanghnak a tuah lio, Amnon zu a rit lio ah, thingtan in an tuk i sarthih in a thi. (2Samuel 13:1-29). MAH ralkap zong nih nungak an thleihhrem ve hna.

5. Thih-hri-molh cangmi hna cu thihnak hri nih a tlaih cang hna i a molh in an molh chin lengmang. Thih-hri-molh a simi hna: Adolf Hitler, Saddam Hussein, Muammar Gaddafi, Bin Laden, hna hi sualnak ngei lomi nunnak tamtuk a lami hna an si. Sarthih sawhsawh hmanh siloin thih chia taktak in an thi ve.

6. Min Aung Hlaing zong thih-hri-molh zawtnak in a zual ngaingai cang. Amah lawng thih cu a di a riam lo caah hawikawm tampi aa sawm hna. Tangka in a hlen hna. Power le bawi sinak in a hlen hna. Khuabawi le penguk le thim lomi bawi sinak in a hlen hna. A hlen khawh lomi kha meithal in a kahter hna. Thong a thlak hna. Khua a duahpiak hna. Thih-hri-molh lam a zulh caah a rau ti lai lo. Thih-hri-molh hna donghnak bantuk in a dong tuan ve lai.

7. Min Aung Hlaing thih-hri-molh pa nih a sawmmi khawhmi Laimi nan um sual maw? Nan um ahcun thih-hri-molh pa MAH hi zamtak cang u. Laimi cu vakok nun ngeimi kan si. Dinnak le felnak le raldoh ah ralthami kan si. Thih-hri-molh lakah kan tuanbia i-tel hrimhrim hlah seh. Mipi khamhtu Jesuh lei ah tang zungzal ko hna u sih.

8. Cathiang nih “Mithalo thiamcoh le miding sualphawt hi an pahnih in Bawipa mithmuh ah fihnung an si veve” a ti. (Pthlukbia 17:15). Credit: Sailo Pa, Midland, TX.

Be the first to comment

Leave a Reply

Your email address will not be published.


*