Mipi Nan Lung Fiang Cang Maw?CNF/A Nih Mipi Theih In, Fian Ter Nak A Tuah Cang.

CNF/A Dirhmun cu, hruaitu hna nih cun,Fiang tein ca thanh an chuah cang.CNA/F nih ral a tuk lo ee, ralkap a Kap lo ee /mei thal nan ngei lo ee tiah Ramleng in za lawng ngai , fawi ngai le ninghngal ngai le a fimngai le thilthei ngai bang in online chung rak au len ti hlah uh!!! Ramchung ral a thawh tik ah zei tluk dah Mipi nih harnak an ton tawn ti zong tha tein theih le hlat a hau!

Laimi cu thih a fahsak tu mi kan si tikah,kawl ralkap hna hi kap hna u silaw, zei dah a ra lai? i kan khua chung ah zei thil dah tlung lai ti tiang in ruah hau mi thil tamtuk a um len.Tah chun nak ah,khua te pakhat ah ralkap hna cu kap hna u sihlaw,kanmah cu ,tlik nak le zam nak zawng kan theih tuk ko lai.a si nain, kha khuate kan kah nak hna nih khan zei bantuk harnak dah an tawn lai ti kha na ruat bal maw?

Cun Laimi hi minung pazeizat dah kan si i, kan ralkap hna zawng hi, zeizat dah an si lai ti zawng hi nan ruah pah a hau mi cu asi fawn.A tu lai mi hi kan dih lak in ting 4 ting 5 hawng kan si i, mah hna lak ah cun, Upa le hngakchia,nunau pawl hna hi,tuak hmanhlaw, zeizat dah um lai timi cu, ruah damh khawh asi ko .Kachin ram khuapi Mitkyina le Kazin rak khuapi luaikhaw te hna ah cun, an khuapi pakhat hmanh ah ninung ting 4/5 cu an um dih.kanmah laimi dih lak he kan ni zat.

Syria ram chung ah ralkap le hriamtlai pawl an ni kah tik ah,vawikhat an ni kah ah,minung/refugee a tingleng in a zam mi an um tawn ti kha nan theih ko lai dah.kha bantuk tiang kha kan tuar kho lai maw? ti te hna kha, mipi lei nih ruah len ding tamtuk a um lai.Upa tuk cang mi le nausen tiangin zei tluk in dah an tuar lai ti cu,nalung chung tal in na ruat bal maw?

Cu caah ah mipi lei zawng nih,hi bantuk thil hi cu fakpi in nan ruah pah ah attha lai dah.Ram lengin kan unau hna nih
ziah CNF/A hi zeidah an tuah hnga? meithal an ngei lo maw silai,silo ah kawl ralkap an ttih bia dah si lai tiah, rak au sawsawh ti hlah u. Kawl ralkap kan ttih bia hna a si lo i, mipi lei kan nin ruah deuh hna caah asi ko ti hi rak thei cang u.

A tu lio dothlen nak / Revolution ah hin kawlram pumpi huap in khua fakpi in ruah a hau i, Ram pumpi huap in cawlcang thiam le zohchih a hau mi a si. Political party, CRPH, CDM, UN ( ram chung Ram Leng pehtlaihnak) , tlangcung mi hriamthai mi vialte , Mipi duh lonak a langh ter tu hruaitu hna tiin hmunkhat in cawlcang thiam a hau tuk mi a si!

Hi bantuk lio kan buai nak ah hi, Ralkap hi meithal he doh hrimhrim ding dirhmun a phan ah cun, tlangcung mi lawng si loin, an mah kawl Miphun hrimhrim meithal an tlaih ve a hau lai. CNA/F hi dai tein an um ko tiah ruat hlah uh! Dothlen nak tuah tik ah Mipi nih theih awk a tha lo mi le Online chung ah tial awk le langhter awk a tha lo mi thil tampi a um lai ti hi Mipi nih kan phlih lo a hau!

Credit: Deniel Rum Hnin

Be the first to comment

Leave a Reply

Your email address will not be published.