Mipi Nih Kan Duh Lo Bik Mi,Tuluk (China) Ralkap Nih Kawl Ram Chung Ah Luh An Ni Timh Ti Si,Zei Ruang Dah Mi Ram Chung Ah An Luh Lai?

A tu-ah hin, China ralkap hna nih cun, an hriamnam cikim he kawlram ramri leiah rat timh in, an ni timh tuah lio cuahmah ko ti si.kawlram chung i gas le zinan pipeline an tuah mi cu, target ah an ni hman riangmang i, luh an ni timh tiah theih asi.Hi long hi silo i, kawl ram ralhrang hna he,Sniper (meithal) kah cawn nak le Telecommunacations Equipments he pehtlaih nak an rak tuah ah khan, Chines ral kap cu an rak um cia leng cang tiah theih si fawn.

Hi bantuk in, China ralkap nih cun,North Korea ram chungah kum 1950 hrawngah khan a rak tuah bal cang i, N.Korea ram chung ah a tu tiang Democracy zawng a um khawhlo nak hi si tiah an chim mi cu a si.kum 70 chung ttah le hatthial in a tutiang an um nak zawng cu asi.Cu caah North KOrea mipi nihcun, nihin tiang hi, zalong tein an umkho lo i,an fimthiam nak zawng ttha tein ram le mipi caah an hmang kho rih ve lo tiah theih asi.

North Korea ram bantukin,mipi hna cu cawlcangh kho lo in le,thinphan nak le ttih nak lungthin ngeihkhawh nak dingin,an hawikawm ralhrang ( kawl ralkap)he i bawmh riangmang i,Mipi hi an kan tuah ve hnga maw ti cu mipi ruah nak ah a um mi cu a si.

A tu lio ah hin Democracy duh mi Mipi le a Duh lo mi Ralkap Uico hna cu,fakpi in kan ni doh lio si tikah, kawl ralkap, mah pumpak ca i a ruat mi le nawl ngeih nak long a duh mi hna nih hin, China ralkap hna hi a thli tein an sawm mi an si hnga maw ti cu ruah lengding tampi a um mi cu si.Cu si caah kawl ralkap Uico hna kut in kan luat khawh nak hnga ding caah, mipi nih a dawngh hlan lo cu lung dawng lo in, i zuam cio ko rih u sih.

Thinphang tuk le zan zawng ah, i hngilh khawh lo tiang in a um mi mipi hna, nan pongah um hlah hmanh usihlaw, kan um nak hmunkip cio in,kan sikhawhchungin, kan rak i zuam ve ko ti kha rak theih ko u.China thil tuah mi le a sermi thil vial te hi, hau hmanh nih cawk hlah uh sih.China ralkap hna hi kawl ram chungah, an rak luh taktak ah cun,kan dih lak in zam lo in tthawl dih khawh hi a herh tuk mi cu asi.A ruang Cu,Kawlram ralkap he ai khat mi an si tik ah, cu cu kan ral pakhat ttih nung tuk mi a si caah mipi lei ralrin tein kan um hi a herh mi cu a si ko.

Credit : RFA

Be the first to comment

Leave a Reply

Your email address will not be published.


*