Mipi Nih Ralhrang Sin In Kan I Ralrin Taktak Kan Hau Hi Hna Kong Dang Deuh Mi Relve

Hakha Ah Cozah Riantuan 2 Nih An Facebook Cahmai Ah Cdf Thazaang Peknak An Langhter Caah An Tlaih Hna: Lawngtlai, 25 Biangreithlep 2022: Chin ramkulh, Hakha khua ah ramkulh fimthiamnak zung in vuanthok le ramchung ngunkhuai zung in vuanthok changtu pakhat nih an Facebook cahmai ah CDF thazaangpek dirkamhnak an langhter caah 24 Biangreithlep ah tlaih an si tiah ralhrang thawngzamhnak nih an langhter.

An tlaihmi hna hi ramkulh fimthiamnak zung vuanthok Pi Vung Hoi le ramchung ngunkhuai zung in vuanthok chang Pi Aye Aye Maw hna an si. An tlaihnak hna a ruangbik cu an facebook cahm ah CDF dirhkamhnak, thawngpang an share, CDF he pehtlaihnak an ngei tiah hramhram lo in sual an phawt hna. Credit: TLT

Social Media Lar Duh Tuk Rih Ding Si Lo, Kan Mah Kan Himnak Ding Tu Ruat Rih Hna Usih: CNA le CDF luh hnu ah cun a si khawh chung in kan mah kan humhim nak caah kan i kilven tak tak a hau, top secret kan ngei tak tak a herh, Social media ah lar duh tuk ding zong a si rih lo,CNA le CDF na luh mi kha tu lio ah mitam pi nih an i theih hau rih lo, na chungkhat dih lak hmanh nih an i theih hau tuk lo, na nu le na pa na u nau nih an i theih ah cun a zarih ko, a ruang cu laimi tam deuh cu biathli kan i ken kho lo, biathli kan theih mi kha kan inn pa hna cu ka chim hna zong ah a poi lo cuh kan ti nak ah vawlei pum pi theih in a thang dih tawn,

Ralkap thilthuam hruk i hmanthlak pi tuk zong hi uar tuk ding si lo, hmanthlak ah cun ral do peng mi raltuk nak ah a kal peng mi lawh tung i meithal voikhat te zong puah bal lo kha uar tuk ding a si lo, lar duh ngai i zeihmanh si lo nak sa in cun, a leng lei ah mi nih theih then lo i a chung tein rian tuan tak mi si hi a tha deuh, nangmah na himnak ding kha i tuak zungzal, mah caah cun Ralkap thilthuam (Uniform) le hriamnam he hman na thlak mi kha nangmah na phone chung te ah khan tha tein i fim rih ko, na hawi le na chungkhat kuat an hau tuk rih lo, Rian herh ah ralhrang umnak khuachung na luh ah cun, na phone chung i na hmanthlak vial te kha na hnawh (delete) siang lo hmanh ah na hawi le sin ah chiata ko, khuachung na hawi le hmuh ter duh ruah ah i luh pi chih hlah,Khuapi deuh ah um mi na si ah cun,

Social media facebook ti bantuk ah i tar tuk duh rih hlah, nangmah ruang ah na chung le na hawikom tiang an him lo kho men, Khuachung ah a um mi hna na hawi nu, na hawi pa nih ralkap he a pehtlai mi hmanthlak an kuat sual si ah cun leng na chuah tik ah hnawh (delete) ta philh hlah, hmanthlak ruang men i SAC ralhrang pawl nih tleih hi cu a si kho lo, an kut cung ah kan phak cang hnu ah hin cun zei tin dah a kan tuah lai ti khi ruah ngam zong a si lo, tu lio cu Social midia ah lar duhtuk nak sa cun kan mah kan him nak tu hi i ruah hmasa ko hna usih.

Hmanthlak ruang men ah CDF le mipi sawh sawh ralhrang pawl nih tleih kan tawn pah lengmang caah siaherh nak te he ka tial mi a si, kei zong CDF ka um chung ah a si khawh chung in ka tuah ka tuan mi rian secret khawh ka zuam, CDF ka luh mi ka hawikom ka chungkhat ti ban tuk ka theih ter lem hna lo, a ka thei mi paakhat hnih te hmanh nih khawi lei ah dah ka um ti a kan thei lo, Hliam ka tuar mi hmanh tuan ah kei mah ka si mi a kan thei tuk lo, tu ni tiang ah hliam ka tuar cu chim lo CDF ka luh mi hmanh a ka thei rih lo mi ka hawikom an um rih kho men, mah caah cun kan tuan mi rian tu ah tei ma tein le dinfel tein tuan ko hna usih. Credit: Salai Peter Sui Hnin

Thantlang a kang’h can lawng i na lung afah ahcun na caah teinak anai rih lo tinak si Zeitluk indah Thantlang Peng kan temtuar cang ti ahram thokin natuak ahcun teinak lei Lamah kar tampi narak kar cang tinak siHiti ka chim tikah Adang pawl nih phundang piin nan ruah khawh men nain kan mah tlukin nantuar lo ahcun nanthei taktak lai lo ezei poh hi tuar taktak locun theihthiam ahar tuk mi si kan ton hnu cun zeipoh hi kan i fiangdih cio ko lai e.

Akek kuaimi kan thinlung , Aman dihmi kan thinlung, Miphun Dothlen nakah kan can vialte le kan ngeihchiah chawhva dihlak , kum tamtuk Mi ramdangah , mikut tangah kan tuan i kan rianhmi inn lo hna hi ape rih lomi Pengtlang nih cun kan mit thli he kan au len zongah nanthei thiam rih lai lo zei thil poh hi mah nih tom hnu lawngah afah nak diktak cu theih khawh asi e Atung zoh zongin afak, Aphei zoh zongin a fak, Zanmang tiangin afak lai.

Nunchung afak lai kan mawhlo hme cu Atuar lomi nih cun nanthei thiam rih lai lo e Afak tuk ko e Vulei a hmunh chung kan philh kho lai lo minung sinak in cun nain mu Zumtu kan si bantuk in Pathian minin ihnenh ahau kan celh lo mi zong celh ahau , kan tuar khawhlo mi zong tuarkhawh le in khawh ahau. Credit: Olivia Nu Cinzah

Kalaymyo khuasa Pa Cin Lam Thawng cu May 22, zinglei suimilam 9:00am hrawng khan lengah a chuak i nihin 24 May, 2022 tiang a rak chuak ti lo. Cu caah Pa Cin Lam Thawn a hmu mi le a umnak a thei/hngal mi poh nih mah phone number 09440352416 ah hin a rannak in rak kan pehtlai hram uhlaw tiah chungkhar lei nih thawngthanh nak an tuah hi asi. Mimang khat zonpih nading ngetna @ Pa Cin Lam Thawn May 24/2022|Phualva Lungtuak Media Huhngetna Kawlpi , Leipi Tuiphum Pawlpi mi Pa Cin Lam Thawn, Bethany Veng Khawk (5) pen May 22, 2022 (Sunday) Zingsang 9:00 A.M pawlin Inn pan pusuak-a, tudong Inn tungkik nailo ahih manin Thungetna ah phawkkawmin Khuadakpih ciat ni.

23 May 2022 Kan Philh Kho Lai Lo: Kan BiakInn le kan inn lo cu nan kan khangh nain kan zumhnak cu nan hrawk kho lo. Kan Vailam tung nan phur nain kan zumhnak nan phur kho lo. Kan hrawh cikcek hna i kan tei hna tiah nan hei ruah men lai. Kan in huatnak hna a zual chinchin. Kan thilri a ciam nain kan zumhnak a tthawng chinchin. Kan cing peng ko lai kan JMBC Biakrun pi le thluachuah bongmal kan sawmnak. Hi ni le kum caan cu kan philh kho lai lo. Credit: Sui Lian Kam

May 23/2022 ah Thantlang khua Biakinn pakhat telh in Inn 52 kan khangh tiah ralhrang nih nihin ah an thanh. Credit; Salai William HC. Nizan Thawngpang peh<<< Thantlang Par- 2022 May 23 zinglei suimilam 6:00 in Kawl ralkap cu Thantlang khua sianginn sang ah an zuang i CDF ralkap he kahdohnak a chuak i, kawl ralkap 6 an thih pinah 8 renglo hliamhma an pu, tiah CDF chimphuannak nawlngeitu sin in kan theih.

SAC lei nih 6:00 am in offensive in cawlcanghnak an thok i zaanlei 2:30pm tiang hrawng hmun kip ah kahdohnak a um. Inn zong ceilak te an duah, a zat cu confirmed thlu kho rih lo. Kanmah lei in minung pali hliamhma an pu, thinphan tuk ding cun an i khawng hraw lo. SAC lei hi minung 6 renglo an thi i 8 renglo cu hliamhma pu mi an si lai.” tiah CDF-Thantlang i Information and Public Relations Department lutlai nih a chim. CDF members hliamhma a pu mi hna vanzang tlang, zahnak tlang vailam tlang le Thantlang in an si. Credit: Thantlang par

Meithat pawl an umnak tlangbo ah hmunhma a khuarmi SAC ralkap pawl kah an tong: The Chinland Post | 2022 May 23 – Chin ramkulh, Mindat khua meithat pawl an umnak ah hmunhma a khuarmi SAC ralkap pawl cu May 22 zaan sml 10:00pm hrawngah CDF-Mindat nih an kah hna tiah theih a si. Kahdohnak hi sml cheu hrawng a rau i SAC ralkap 2 an thi, CDF-Mindat lei nih hliamhma tuar lo tein hnu an kir kho tiah CDF-Mindat nih an thanh.

SAC ralkap nih sianginn awn ṭhan an i tim. Sianginn an awn ṭhan a si ahcun a zual chin lai. Zeitin hmanh in kan cohlang kho lo. Cucaah, ralrin peknak caah kan kah hna hi a si” tiah CDF-Mindat biachimnak nawl ngeitu Salai Ha Om nih a chim. Non-CDM saya/mah pawl kan tlai hna lo nain SAC nih a duhning in sianginn a awn ṭhan a si ahcun fak piin a zizutnak kan tuah lai tiah a chim.

Mindat khua chungah a ummi mino fim cawnnak caah cun NUG program le Mindat mipi uknak phu kuttang fim cawnnak program ah kai a si i pehzulh in tuah a si tiah a chim fawn. May 23 zing ah SAC nih hriamngan kah thlorh in a kah ruangah kum 11 hngakchia pakhat a ke khatlei a bul, kum 40 nu pakhat zong a lu ah hma a pu i mipi inn 2 a rawk tiah a chim. Credit> The Chinland Post

Khuapi chung um Mino ka hawile hna zeiruangah ah Sport day nan tuah nak, KTV nan kai nak, Buti nan ei nak, dawr thatha ah rawl thaw thaw nan ei nak, tiva nan kalnak, hawikom he nan inuamhnak pawl Facebook ah tar lengmang hlah ulaw kan in timi hna hi a ruang nan ifiang rua lo.- Nanmah bantuk in nuamh a duhtuk cingling a si vemi Mino tampi cu ramtang ah ihnak rep ngei lo le hmakphek hmanh duh in ei awk um loin Miphun le ram caah an nun an thap an caanttha vialte an pek. Hihi anmah rian hlei a si lo. Na rian ka rian a si ve.

Mah bantuk in harsat an tuar lioah an hawile nih nuamtuk in nan ummi an hmuh ahcun an lung a zor ve cuh. An in hngar hna. Kir an duh. An Nulepa nih an in hmuh hna tikah kannih fa vial hitluk har a tuar midang vial hitihin an um kho an ti i an fale kha kir an fial hna. Cuti cun i nuam dih usilaw hodah kan Miphun dohthlennak cu a tuah kun lai. Cun kan hngalh awk pakhat cu tu bantuk in zalong nawn tein lenvah Le nuamhsaih ter khawh kha Uico ralhrang pawl nih an i timhmi cu a si cuh. Mah tihin kan chiah hna lai i dohthlennak thinlung tlau seh i nuam hna sehlaw kan uk hna lai ti kha an duhmi a si.

Cucaah nan lungsia a rem ko ahcun i nuam ko uh. Mah belte zei kan ti hnga Facebook ahcun kan post piak len ti hlah uh tiah Hakha khuapi chung um ka hawile vialte kan nawl ko hna. (Kannih zong nanmah he hmunkhat teah lentecelh le nuamhsaih kha kan ngai tuk ve ko ee Tu lio cu nuamhsaih kan isum ve mi te zong hi dohthlennak caah a si tiah ruat ko hna usi mu. Cun kan tei tikah tu lio kan isum mi vialte ca he kan inuam te hna lai mu) Credit: Salai Aung (Ngun San Aung)

#Breaking News: Thantlang a kang tthan: Nihin, May 23 ah Thantlang khua cu SAC ralkap nih an khangh tthan tiah theih a si. Inn zeizat a ciamh timi zeihmanh The Chin Post nih kan fehter kho rih lo. Thil sining kan hlathlai cuahmah lio, Update khawh kan van i zuam lai. Credit: The Chin Post

Nichuahlei ah Russia nih Fak Ngaiin an Ukraine Mipi umnak a Tuk hna caah, Ukraine lei nih Kahdaihnak tuah an Duh ti Lo: Western ram nih Russia cung i phihkharnak an tuah ruangah le vawleipi nih hnu an chit chin lengmang cang caah, Russia nih Finland sin a gas zuar a ngol i, Donbas pengkulh an luhhnawh cuahmah in cun Rusia he kahdaihnak asiloah ton biaruahnak ngei lo dingin Ukraine nih bia a chah cang.

Ukraine ram chuahtak dingin International community nih Russia hi nawl an pek awk a si cang. Ukraine khuaram lehmah pakhat te Russia kut phakter a si ah cun, cucu Western ram vialte caah ‘sunghnak nganpi’ a si ding a si, tiin Kyiv ah a ummi lawmakers pawl sinah Polish President Andrzej Duda a chimh hna. “Putin duhning in Ukraine hi a sungh a khan awk a si cang ko, timi thinphannak biaka a leng cang” tiah Duda nih a chim. Russia nih Ukraine a luhhnawh hnu i Ukraine lawmakers sinah pumpak bakin bia a chimtu cu amah Duda lawng hi a si rih, tiah theih a si.

Ukraine lawnglawng nih hin amah le a hmailei caan kongah biachahnak nawl a ngei,” tiin a chim. Cu ti biachimnak a va ngeih khawh tlawmpal ah Kyiv khuapilaifang hrawngah Russia vanlawng nih bomb a vun thlak thawng a theih. A tu hrawng an i kahnak hmunhna hi meng za tamtuk ai hlatnak ah a si ko cang nain, cu ti vanlawng kahdohnak thawng a theihmi nih cun rampumpi ah kahdaihnak a um taktak rih lo, ti a langhter.

Zarh tampi chung Ukraine an i chan len mi cu Russia nih a lak khawh cang hna i, Donbas pengkulh ah a ummi Luhansk cu Russia nih baitaktein a kah than cang, ti asi. Russia nih a luhhnawh hna hlan 2014 lio hrawng tein khan, Russia tanhtu hriamtlai pawl nih Luhansk khua a tam u hmunhma le a innpa Donetsk khua hi an rak lak khawh cangmi asi. Asinain, Donbas pengkulh chung i a tang rih mi hmunhma pawl cu Russia nih lak lawlaw ai tim.

Donbas ah a ummi Ukraine ralkap command center, an ralkap, zenkuan chiahnak inn le chaklei ah a ummi Mykolayiv cu vanlawng le miakpi in cei in kan phomh hna, tiah Sunday ah khan Russia defense ministry nih a chim. Luhansk pengkulh chung um, khua unau a si mi Sievierodonetsk le Lysychansk cu Russia nih bomb fak ngaiin a kah hna, tiah Ukraine general staff nih thawng a thanh ve. Hi khua unau hi Siverskiy Donets River nih a dan hna i, April thla camceu hrawnghrang tein khan Russia nih lak an duh pengmi khua an si. Asinain Ukraine lei nih a si khawh chungin an humhak pengmi khua an si ve caah an la kho lo.

Russia nih an lakmi hmunhma ah a um rih mi anmah Russia ralkap pawl he kahdaihnak tuah ding kongah siseh, cun Russia kut i anmah Ukraine peng le tlang pek ding kongah Ukraine lei in lamkaltu nih zeibantuk lungtlinnak hmanh tuah a duh than ti lonak kong Saturday ah khan Reuters ah a chim. “Hi ral hi kan ngol lai lo. Caan tawite chung kan vun i din ta lai le si. Russia lei nih a thar in le cuhlannak fakdeuh in kahdohnak a kalpi than ko lai,” tiin Podolyak nih a chim. Aran khawh chung in kahdaihnak daihter dingin US defense secretary Lloyd Austin le Italian Prime Minister Mario Draghi nih an chim.

Russia nih an lakmi khuapi vialte lakah a nganbik cu Mariupol a si i, nizan nai i Mariupol a lak khawh ruangah thla 3 chung sungh lawng a rianmi Putin kutah teinak sunglawi a phan ve mi pakhat ah a cang kho ve, tinak a si. Mariupol steel sehzung ah hmunhma a khuarmi nehnungbik tiang a tangmi Ukraine ralkap cu a sungh an khan ruangmang cang hna. “Nan nunnak a him khawh nakhnga a sungh vun khan ko cang u,” tiin amah Ukraine military command nih nawl an pek hna hnu lawngah a tu bantukin a sungh an khan hi a si, tiah theih a si. Amah belte, Azov regiment ah a ummi an ralkap ningpi in a sungh an khan le khan lo cu theih fian a si rih lo.

Mariupol an lak khawh ruangah Crimea lei tiangin Russia nih Ukraine tuknak ah Hmun a vun remter khawh ve lai i, an hmunhnih ningin Russia kuttang an phan cang ah a cang. Crimea cu Russia nih 2014 lio tein a rak uk cangmi hmun asi. Gas Kong i Buaibainak Thar Western ram nih Russia cung i phihkharnak an tuah hnu ah, Russia nih ram dang nih a gas an cawkmi a man paoh cu amah Russia phaisa in pek dingin nawl a chuah. Cu nawl a chuahmi cu Finland nih a cohlanpiak ve lo caah, a sinah a gas zuar ti lo dingin Saturday ah khan Russia gas company Gazprom nih nawl a chuah.

Russia nih gas a kan zorh te ti lo ding caah timhlamhnak kan ngei cia diam cang, tiin Finland nih an chim. NATO member Turkey nih a duh lo ngang nain, a raminnpa Sweden he cun NATO luh an sok cuahmah lio pi a si thiam. European ram nih Russia gas an cawkmi a man an pek tikah euros asiloah dollars in a si zungzal. Russia phaisa in a man pek dingin Moscow nih policy thar a sermi Bulgaria le Poland nih an duh lo caah, kan hnung thla in khan an si gas zuar a ngol ve.

Western ram nih Ukraine cu heh tiah hriamnaam an kuat. Saturday le bangah khan cun Ukraine ralkap pawl cu thathawhnak le ralthatnak lawngtein an khat cang, tiah Reuters nih cun a ti. Hriamnaam, economic le minunghawi bomhchannak rian caah, tiin US President Biden nih $40 billion bomhnak pek dingin min a thut cang, tiah theih a si. Ukraine kut ah hriamnaam bomhnak nan pek ruangah le ka cung i phihkharnak nan tuah ruangah, nanmah US le nan ramdanghawi le nih hin tutan ral hi nan porsoter chinchin, tiin Putin nih a chim.

Ukraine nih hriamnaam ai ngeih nakhnga lo le, Russia huat rumro in an i lakmi a mipi hna thah dih dingah “special military operation’ timi min bunh in Ukraine ka luhhnawh hi a si, tiin Putin nih a chim. Ukraine mipi thong tampi in nunnak a latu, minung a million in inn rep lo le lo replo dirhmun a chiatu ral cu maw cu bantuk dongkhanglo piin cun a chim cu si, tiin Ukraien le a ramdanghawi le nih an ti ve. By. Chelsea Bawi