Mipi Sual Nak A Ngei lo Mi, Mi Nung 739 A That Cang Mi,Min Aung Hlaing Cu,Thaizing 6:00am Ah Jakarta Khuapi A Sean Summit Ah A Kal Cang Lai.

Thaizing April 24 zinglei suimilam 6:00 AM ah Min Aung Hlaing cu Indonesia ram Jakarta khuapi ah Asean Summit meeting ah a kal cang lai. ASEAN Summit meeting ah SAC lutlai Min Aung Hlaing cu Myanmar Airways International (MAI), MMA No. 001 in Indonesia ram khuapi Jakarta ah a zuang lai tiah theih a si. Hi akal nak ding van lawng hi,phun dang deuh asi i, Cu hlan an khaul tlawn nak ah cun, Myanmar National Airline (MNA) deuh in khual an tlawng tawn tiah theih asi.

Mah vanlawng “MAI ah hin Myanmar rammi Vanlawng lei riantuan Officer rank minung an tam pin ah ralkap chungkhar in Philippines ram ah Vanlawng lei sianginn a kai mi an tam i MAI ah rian a luut mi an tam ca ah a si,” tiah riantuan bal mi pakhat nih a chim. “Hramhram in nawlngeihnak latu Min Aung Hlaing hi ramleng a chuah lecangka tlaihcolh ding a si,” tiah Global Centre of R2P in Executive Director Dr. Simon Adams nih a rak chim bal cang nain, a tu i a kl ngam nak sual lam hi,zei dah si hnga ti cu kan theih ti lo.

Cun, NUG in Home Affairs and Immigration Minister U Lwin Ko Latt zong nih INTERPOL (Vawlei cung Sualphun ngan hlathlaitu Palek) nih tlaihpiak ding in General Secretary sin ah ca a kuat ve fawn.Cu long silo in,NUG zawng nih Min Aung Hlaing cu kal ter lo ding in a rak nawl len cang hna nain, an kalter tthimtthiam ko.zeibia dah a chim te lai vun hngak rih ko u sih.

Credit : KhitThitMedia-ref-THT

Be the first to comment

Leave a Reply

Your email address will not be published.


*