Mipi Thuam In A Thuam Mi Ralkap Hna Cu An Mei Thal Chuh Hna U Law Kap Hna Uh : By CDF Hakha.

Hakha Chinland Defense Force nih Ralkap ralrin peknak an chuah colh. Cun Mipi zong forhfialnak an tuah fawn hna. Ralkap le Police a si ko nain Civil thuam i hruak riangmang i mipi ngiat nak a tuah mi, tlaih khihnak a tuah mi paoh cu nan hmuh hna nak paoh ah tlai hna uh, hrem hna uh, that hna uhlaw an Meithal kan sin ah kan ap uh tiah CDF-Hakha nih cathanh an chuah nolh hi asi.

Nizaan ah Hakha CDF nih ralrin paknak cathanh a voikhat nak bik an chuah. May 2, 2021 Sandah piahnak ah mipi tlaih hna lo ding, tlaih cia mi pawl zong zaanlei suimilam 4pm hlan ah thlah dih hna ding. Ralkap le Police nih nan zulh lo i mipi tlaih khihnak le hremnak, tukvelhnak nan chuah pi ahcun kan i kah hna lai tiah nizaan ah cachanh an chuah.

Nizaan cathanh an chuah mi ruang ah nihin zong Hakha le Thantlang ah minung a thong in Sandah an piah nain ralkap le police lei nih zeibantuk hnahnawh nak hman an pe ti hna lo. Sandah piahnak zong tluang tein an dih.

Cun tuzaan lei lila ah CDF-Hakha nih cathanh an chuah nolh hi a si i Ralkap le Police nih Civil thuam he um lo ding, Civil thuam i hruk riangmang in mipi karlak ah i chawhvah, mi ngiat, tlaih khihnak nan tuah ahcun kan i kah hna lai ti asi. Cu pin ah mipi lei zong forhfialnak an tuah hna i Civil thuam he a um mi ralkap le police paoh cu hmuh nak paoh ah phomh in an meithal chuh ding ti asi.

Credit : Chinland defence force.

Be the first to comment

Leave a Reply

Your email address will not be published.