Mipi Vengtu Chin Pasaltha,CNA Pakhat Nih, Nihin April Ni 5 Ah, SAC Ralhrang He Kahdohnak In.

CNA ralbawi Lieutenant Colonel Se Thu Aung cu 2022 April 4 ralhmai a kalnak ah ram le Miphun ca ah a nunnak a pek, tiah Chin National Front-Headquarters nih cathanh an chuah.

Thawng dang, Nihin April 6, zaan ah Chin ramkulh Tedim khuachung SAC kuttang um mi GAD zung ah, zung rianṭuantu Administrator pakhat cu meithal kahnak in a thi, tiah theih si.

Kyi Min Htun kum-32 cu AdministratorAD in Tedim khuachung GAD zung ah kumkhat hrawng rianṭuan in a um cang, nihin April 6 ah Bazaar ah meithal in kah a tong.

Atu suimilam 9:10 tiang ah aho hmanh nih a pawng ah kalhnawh in, an zoh ngam lo caah a ruak cu kah a tonnak hmun ah cun a um ko, tiah Tedim khuachung um mi pakhat nih The Chin Post ah a chim.

Thawng dang,Hrangbana College University Nih Zahnaktlang Battalion An Tlawn Hna, Aizawl Hrambunh Hrangbana College siangngakchia le Siangcachim hna nih April 6 ah Thantlang peng Zahnaktlang Battalion an tlawn hna i Zahnaktlang Battalion hruaitu cheukhat hna he biaruahnak zong an ngei kho hna.

Tutan Hrangbana College siangngakchia an rak ratnak hi Zahnaktlang Battalion tlawn pah in kan hnu kum ah CDF nih an lak mi Lungler SAC ralkap camp zoh pah in le a dang research tuah pah in a si.

Hrangbana College siangngakchia le Cachimtu hna cu Thingsai YMA upa nih an vun zulh hna i Zahnaktlang Battalion upa hna he biaruahnak zong an ngei kho.

Thil dih tenh mi na si cun rak rel chih,A Dikmi Hi Theih Na Duhmi A Si Zungzal Lo Kho,Kan hawi nu,pa sining a dik ning tein chim hi hawikomṭha nih a tuahawk a simi le a biapi bikmi a si. Micheukhat cu an diklonak chimh an duhlo ruangah an theih duhmi lawng a chimtu hawikom an kawl ṭheu tawn.

An diklonak a thei lotu hna sin ahcun a dik bantuk tein an iumter nain an thinlung tein midiklo an si kha an philh kho bal fawn loh. A ngaingai ti ahcun anmah le anmah an ihleng, A sining tein le fanghlang te in.

chimh cawnpiak hi a faak ṭheu tawn nain cucu nun a sersiamtu le a ṭhancho tertu a si. Theihhngalh sawsawh le hawikom tampi na ngei ko nain hawikomṭha taktak tlawmte lawng na ngeih ahcun nangmah le nangmah nai zoh le remh a herh tinak a si.

A dik lomi le mihrokhrol pawl zong hi a caan ahcun mi a hruai khomi, mipi caah rian a ṭuan khomi le thil a tuah khomi bantuk in an lang ve tawn. Caan tlawmpal chung cu mi nih midik le bochantlakmi ah an ruah ko hna nain an rak si ngaingai tawn loh.

Mi nih cubantuk in an ruah ko hna hmanh ah an chungril thinlung tein cun kan dikloh ti kha an iphilh kho bal hlei lo. Lih le hrokhrol a poinak cu midang nih an theih lemlo hmanhah a chimtu,tuahtu nihcun zeitikhmanh ah philh khawh a si ti lo.

Damh khawh a si ti lomi chunglei cancer zawtnak bantuk a si,A dikmi sikhawhnak ding ahcun chimmi le a dikmi thil ah pumpeek ngam a herh. A tanglei bantuk hi kan si ve tawn maw,

Lihrang kan chim bal maw,A dikloning in midang kan forh, thangṭhat bal hna maw, Biadik canceo lawng kan chim bal maw,A dikloh ti kan thei,hngal ko nain dai tein kan um tawn maw.