Mipi Zong Nih Ralrin Taktak Bak Kan Hau Cang, Reiruang Ti Ah Cun, Sac Ralhrang Hna Nih Cun, Cdf Ban Tuk In Le Mipi Bantuk In An

Nawlngeihnak latu SAC ralhrang ralkap nih mipi ralkap PDF bantukin an cawlcangh ruangah mipi le PDF dangdang hna nih ralrin a herh tiah Myaing PDF nih cathanh an chuah.Myaing peng chungum SAC ralhrang ralkap le palek hna nih an thazaang thumh riangmang hratin

PDF bantukin uniform hruk loin, kutin serchawmmi meithal hna tlaih hratin lampi ah zohfelnak an tuah tiah Myaing PDF nih an chim.Auto meithal he conghtu a dang tein an um/chiah hna tiah Myaing PDF nih ralrinnak cathanh an chuah hi a si.

SAC ralhrang ralkap dohtu PDF hna nih mah le mah i pehtlai hratin ralring tein cawlcangh dingin siseh mipi hna zong nih ralring tein tlungkal cio dingin ralrin peknak cathanh an chuah.

Crd: New Myanmar

Kawl Ralkap Tthing MDF Mara Hruaitu nih CDM Palik CDF-Mara Ralkap Meithal in a Kah Kawl ralkap a rak ttuan balmi Maraland Defense Force MDF ralkap haotu Pu Chhipa Thomas Chozah nih CDM palik CDF-Mara ralkap) Salai Ma Hnei 25 cu March 25 zaan sml. 9:00 hrawng ah Ngaphaite khua ah meithal in a kah i a nunnak a liam, tiah Ngaphaite khua upa nih The Chin Journal ah a chim.

Meithal in a kaptu pa hi Kawl ralkap a rak ttuan tthingmi a si i atu MDF ah ralkap lei haotu a simi Pu Chhipa a si. Kawl ralkap a rak ttuan lio ah bomb nih a kee ah a puah hnawh i pension in aa dinmi a si,” tiah a chim.

Pu Chhipa nih CDF- Mara ralkap haotu pakhat zong a phei ah a kah ve caah hliamhma a pu. Kan khua ah a rak phanmi MDF ralkap hi minung 9 an si. Hriamtlai cio kan si tik ah kan khua an rat ahcun thawng na kan thanh ta hmasa awk a si kan ti hna. Cu dih cun an hruaitu Pu Chhipa nih kan khuabawi inn ah meithal a kan puah hnawh len, tiah a cunglei upa nih a chim.

March 25 zaan ah khua sianginn ah khuami, MDF le CDF-Mara biaruahnak an ngei hna i biaruahnak a dih hnu ah hi thil a can hi a si. Tha tein biaruahnak ngeih ding kan ti caah kanmah CDF-Mara lei cu meithal zong an i ken lo. Biaruahnak zong an tuah dih cang ko. MDF haotu Pu Chhipa hi tlaih i ttha tein chimhrin biaruah ding an ti. A meithal chuh an timh ah CDF-Mara haotu pa cu Pu Chhipa nih a phei ah a kah.

Cun, CDM palik a simi Salai Ma Hnei nih a zuan hnawh i a kah ve. Salai Ma Hnei cu a nunnak a liam. Cu dih cun meithal voi 60 hrawng a kan puah hnawh i an zaam,” tiah thil sining a chim. A nunnak a liammi Salai Ma Hnei cu nihin March 26 zaanlei sml. 4:00 hrawng ah an vui.

Hi kong he pehtlai hin CDF-Mara nih CNF sin zong ah thawng an thanh hna i, CNF lei zong nih thil sining ttha tein kan hlathlai lai an ti, tiah a cunglei upa nih a chim chap.

“Atulio thil sining cun MDF le CDF-Mara cu dirhmun aa ralkah tuk tik ah biaruahnak ngeih zong a har ngaingai cang lai. Hi thil a can hnu ah MDF upate lei zong in CDF-Mara sin ah pehtlaih i chawnhbiak le ngaihthiam halnak zong a um rih lo,” tiah a chim.

MDF hi atulio ah thazang 60 hrawng an si lai tiah an zumh i AA sin ah raldoh a cawngmi an si. SAC ralhrang nih Myanmar uknak an chuh hnu in zapi theih in a langmi hriamtlai an si nain SAC ralhrang doh an tim lo, Mararam kong tu ah cawlcangh aa timmi an si, tiah MDF kong a theitu hna nih The Chin Journal ah an chim.

Mizoram, Saiha khua ah hram a bunhmi “Mara Administrative Territorial Council” (Mara Hmunram Uknak lei Council) le MDF hi pehtlai in rian an ttuan, tiah Mara upa pakhat nih a chim. Crd: the chin journal