Mirang Chan Dih Hnu In, Kawl Ram Chung Ah, Tuan Bia A Ttial Hmasa Bik Mi Tahan Mino.

Nihin Tahan Mino le ralhrang kahdohnak Hi CNA nih an zoh sawhsawh hrim Lai Lo.Chin kokek simi,Tahan mipi le mino hna nih cun,Democracy kan hmuh khawh tthan nak hngading ah tuanbia an ttial cang.Mirang chan lio ah khan kanpi le pu hna nih cun,anmah kut chuak meithal bak in mirang kha Independence kan hmuhkhawh nak dingah anrak doh cang hna.,Cu hnu cun kum a liam lengmang i, a tu-ah kawlralkap nih hramhram in,nawl ngeih nak anlak tthan hnu in,Democracy uknak kan hmuh khawh nak ding in,Tahan mipi le mino hna nih cun,meithal bak in ralkap cu an kah ve cang hna.

Hi thil hi,a sawhsawh silo i, kawl ram chungah ralkap uknak kan duh lo ruangah, sandah kan piak i, mipi leiin hau hmanh nih meithal in,a kap ngam mi kan um rih lo.sihmanhsehlaw, Tahan mipi le mino hna nih cun meithal bak in, ralkap hna cu an kah ve cang hna.Tahan mipi le mino hna nih Mirang chan a dih hnu in, ralkap cu meithal bak in an kah ve cang hna tikah, kawlram chung i tuanbia a ttial hmasa bik mi an si cang.

Kan lai tlang leizawng ah tah, hi bantuk thil hi a umkho mi sitikah,nang le kei kan ni ralring cang maw?kan hnu lei deuh ah khan Tahan Mino hna nih cun,CNF/A hna sin ah bawmh nak an rak hal cang hna i, CNF lei in,zeihmanh bia leh nak a um lo caah, an lung dawngh tukin, nanmah pumpak in nan kan bawmh ngam lo hmanh ah, nan meithal tal in rak kan bawmh hram ko u tiin an rak ti cang mi hna kha si.

A tu-ah kawl ralhrang hna kut in,nihin zawngah minung 4 nih an thi tthan cang.Kan lai miphun nih kan ni bochan mi hna ralkap CNF/A kan nin ngeih ve hna i, hi tihin maw nan kan zoh sawhsawh ko lai an ti cang hna.A dawngh nak ah cun,Tahan mipi le Mino anni sum kho ti lo i,a tu-ah cun,an ngeih chun mi meithal bak in, Democracy kan hmuh khawh tthan nak hnga dingah tiin an kah ve taktak cang hna tiah theih asi.

Credit : Tahan Post

Be the first to comment

Leave a Reply

Your email address will not be published.


*