Mithi In Ah Ruah A Hum Mi Hna Cu, Minung 50 In 60 Kar An Si Lai, Mah Hna Cu SAC Ralhrang Nih Cun.

Kalay peng chung Sekan khua mithi innah khuami minung (50) lengkai cu April 9 zanlei sml 2:00 hrawngah an tlaih tiah theih a si.

Cupinah SAC ralhrang ralkap 50 hrawng nih khua chung innkip ah innkhat hnu innkhat lutchuak in kawlhawlnak an tuah i, innchung ah an hmuhmi paoh cu an tlaoh chih hna.

An khua hnulei i SAC ralhrang ralkap umnak sakhan ah an hruai hna tiah theih a si,Sekan khua cu April 8-9 nihnih chungah Taung Phi Lar tlang leikap in hriamngan an kah.Crd: The Federal Times.

Thawng pang dang, American serchuahmi Wai Hin Pit Mit Yaing telh in hriamnam dangdang hna cu cawk,zuar dingin siseh ritsi tibantuk cu American ramchung ah zuar dingin timhtuahnak a ngeitu Japanese Yahusa phu lutlaibik cu American nawlngeitu hna nih an tlaih tiah April ah Reuters nih a langhter.

Mit Yaing hriamnam cawk ding timi cu Kawlram chung hriamtlaitu hna sinah zuar dingmi a si tiah American ramchung ritsi dohtu phu ah tuanvo ngeitu sinah a chim tiah theih a si.

Hriamnam hna cu ritsi phorh tikah runvennak caah a si tiah a chih ti a si, Kum 59 a si camgmi Yakusa phu lutlaibik Takeshi Ebisawa cu New York khuapi ah tu zarh chungah an tlaihmi a si.

Amah cu ritsi zuartu case, hriamnam case in tazacuai a si tiah cozah sini nih an chim,Hi kong he pehtlaiin lehrulhnak pek dingin Ebisawa i sini pa cu Reuters nih a pehtlai nain a tlamtling lo.

Paletwa Pengah Kahdohnak A Chuak, Ralhrang 1 A Thi,Kum 2022 April 7 zinglei sml 10:00 hrawngah Paletwa peng Wa Ding khua le Saung Wa khua karlak ah umnak sakhan tuahtu SAC ralhrang ralkap cu.

CDF Paletwa le CNA i fonhin minutes 30 chung kaphnih an i kap hna i, ralhrang 1 a thih pinah hliam tuarmi an um kho nain fehter khawh a si lo. CNA le CDF Paletwa leikap ah hliam tuartu umloin an i zukphiak kho tiah cathanh an chuah.

Thawng dang, Kalaymyo Ing Daing Kung sang a hlan i Hmun Tha khua ah, nihin April 9 zinglei sml 10:00 thawkin SAC ralhrang ralkap le PDF karlak ah kahdohnak a chuak.

Taung Phi Lar tlang in SAC ralhrang ralkap nih hriamngan hmangin kahdohnak hmun ah cun, SAC ralhrang khuachia rual hna nih cun, hriam ngan vuitam tuk an hmen chih.

A hlan ah tlang cungin an kah lioah cun cutluk piin a thawng a thang lo. Tutan cu a thawng a thang tuk caah hna pahnih bak a chet. Khoika zawnah a tla timi theihfian a si lo nain a puak taktak” tiah cuka ummi pakhat nih a chim.