Mizoram Cozah Nih Ralhrang He An I Biakchawnhnak Kong Mipi Sinah An Chimfiang

Mizoram Cozah Nih Ralhrang He An I Biakchawnhnak Kong Mipi Sinah An Chimfiang 

Kan hnuah khan ralhrang ralkap nih ralzam kongah Mizoram cozah ca an kuatmi  hna  kong cu  online ah a alangsar ngai i, cu kong he pehtlai in Mizoram cozah nih ralhrang he an i biakchonh ning kongkau felfai tein mipi sinah theihternak an ngei.

Mizoram Home Minister Pu Lalchamliana nihcun Ralhrang ralkap nih hriamnam bochan in Myanmar rampi nawlngeihnak an lak tikah mi tampi cu ramlak ah an zam i, thenkhat cu Mizoram leiah rakzam zong tampi an um. Kan sinah Myanmar ralzam pawl an rat tikah kan CM Pu Zoramthanga zongnih theitawk in a buaipi timi zong India cozahpi nih an theih.A hramthok ah India cozahpi nih Myanmar ralzam pawl kua than dih hna uh tiah nawl arak pek hna nain, kan CM Pu Zoramthanga nihcun kan kua than kho hna lai  lo, kan unau ka thinsen in aa pehtlai mi an si i, kan theitawk in kan tuamhlawm deuh hna lai tiah India cozahpi sinah leh nak atuah. Cutikah kannih Mizoram cozah long siloin NGOs, YMA le Khrihfabu pawlkom tiangin Myanmar ralzam pawl cu theitawk in kan buaipi hna i kan bomh hna. Kannih Mizoram cozah nih cun ralzam pawl an umchung cu theitawk in bawmh dingin kan ti tim.

Mizoram cozah long siloin Mizoram mipi zongnih ralzam pawl zohkhenh peh rih ding cu an duhmi a si. Kannih nih Myanmar ram a thath than ding hi kan duhpi bikmi hna a si. Khat lei ah cawnnak le ngandamnak ah an chambau tuk lonak dingah cozah nih theitawk inttan kan lak i, sianginn tiang dirhpiak an si pinah sianginn thatha zongah a kai kho an um. Va si kho sehlaw Myanmar ram buainak a dih tikah an tlun than ding cu anmah zong an duhmi le an i lungmuih bik mi a si lai tiah kan zumh. zeitik ni ah cubantuk a phanh lai ti cu kan thei kho lo nain, buainak a um ti lo tikah an ram i an tlun khawh ding cu kan duhpi bik mihna a si ve.

Tulio ah Myanmar ralzam pawl hi an harsat tuk ruangah rittheihsi an phur, an zuar tin thawngpang tampi a leng nain, kannih cozahpi dinhmun incun cu bantuk fianhnak kan hmu rih lo. Ralzam pawl ruangah rittheihsi zuar le phur an tam timi fianhnak cu nihin tiang kan ngei rih lo. Cuti rualin zeiruangah rittheihsi phur le zuar an tam timi felfai deuh in thei dingin dothlat nak kan ngei deuh rih lio.

Kannih mizoram cozah le Myanmar ralkap cozah cu athli tein kan I chawn lo, ralhrang cozah lei tu nih cun an kan chawn lengmang ko. Kan hnuah Kolkatta Myanmar Embassy sin in cakuat kan dong. Cu cakuat ahcun Mizoram i Myanmar ralzam aum mi pawl an kan hal i, kannnih lei zong nih ca in kan let cang hna. kannih zongnih Myanmar ralzam pawl an tlung than asile zeitluk in dah an humhimnak nan pek hna lai? an him ko tiah zeitin biakam nak nan pek khawh hna lai tiah bia  kan rak hal hna? Ralzam cungah nan thinlung put ning diktak kan chim uh tiah kan hakthan hna i, nihin tiang ah bialeh nak an kan tuah rih lo

July 14 lio ah khan ca kan leh cang hna i, thlithup in aabia chawn mi kan silo. Ram khat le ram khat cozah kal ning bantuk in asi ko i, kannih zong nih kan hmuhning kan rak chim mi a si rih. Curuangah, tu tiang ahcun Mizoram i Myanmar ralzam pawl kan tthawl dih hna lai tibantuk thawgn zeihmanh a um rih lo timi zong mipi sinah tehihter kan duh mi asi tiah achim.

 India Nih Rohingya Pawl A Kuat Dih Than Hna Lai– India ram Home Minister zung nih an ramchung ah a um Rohingya miphun pawl cu Myanmar ah an kuat dih lai hnanak thawng cu caa in an chuah cang i, atu ah hi Rohingya pawl cu hmun pakhat ah an chiah rih hna tiah an chim.India Home Minister nih India ram New Delhi khuapi ah phungning lo in a lut mi Rohingya miphun pawl cu Myanmar ah kan kuat than dih hna lai. Tu ahcun Center pakhat ah kan chiah rih hna I phungning in an ram ah kan kuat hna lai tiah achim.

India Home Minister nih cun khawika ah Rohingya pawl an chiah hna timi cu a achim lo i, cun zeitikah  Myanmar ramah an kuat hndding timi zong a ni fiangtein achim lo. Tu ahcun Rohingya an tlaih mi pawl hna cu hmunkhat ah chiah dingin Delhi cozah an chimh dih cang hna. India nih hin Rohingya hrimhrim hi an ram chungah umter an siangh hna  lo i, misual ralhrang phunkhat bantuk ah an ruat ve hna.

2021 zongah India nih Rohingya miphun pawl Myanmar ah kuat a rak timh cang hna i, cu cu an ttih ruangah India Rohingya miphun 2000 ranglo cu Bangladesh leiah an rak zam. Hi bantuk ruangah India ram I a um mi Rohingya pawl cu an I thup lengmang i, athli tein inhlan in riantuan mi zong an um ve.Atu tiang ahcun Rohingya pawl cu Bangladesh ralzam umnak hmunpi ah an tam bik, Bangladesh zong nih an ram ah Rohingya pawl Myanmar ah kuat than dih an tum ve hna. Asinan, ralhrang ralkap cun Myanmar ah Rohingya miphun an um lo i, kan cohlang lo tiah Bangladesh cu an ti ve hna.

Hi bantuk ruangah Bangladesh nihcun China tiang in an biak phah i, China nih Rohingya kong ah ralhrang pawl hi an chonh biak khawh hna lai I a lungtlin nak an tuahkhawh ko lai tiah zumh nak an ngei. Asi nbain a tutiang ah cu Rohingya kongkau ah China le ralhrang pawl zong felfaitein biak chonh nak cu an nei kho rih lo.

Rohingya pawl hi Myanmar rammi sinak ngei, India rammi sinak ngei. Bangladesh rammi sinak ngei, Malaysia zongah rammi sinak ngei tibantuk in an um i, an za tein ram pakhat nih pom dih ding ah cun an duh cio lo. Ralhrang ralkap pawl zongnih Myanmar rammi sinak ngeih cu Myanmar ah an um thei ko tin an chim ve.2017 kum ah ralhrang ralkap nih Rakhine ramkulh chungah Rohingya miphun pawl thianhdih nak an rak tuah i, Myanmar rammi sinak ngei lo Rohingya miphun ting 7 renglo cu Bangladesh ah an rak zah dih. Cupawl cu tu ah Bangladesh lei zong nih Myanmar ah kuat than dih an duh ve cang hna. Kawl pawl nih cun Myanmar ah Rohingya tibantuk an um lo, vai muiken miphun kan um lo tiah Rohingya apom lotu tamtuk an um ve.