Mizoram lei nih Tio Tiva kam ah Lai ralzam donnak ding ah hmunhma an ser cang

Mizoram lei nih Tio Tiva kam ah Lai ralzam donnak ding ah hmunhma an ser cang
=========

Chin Ralzaam pawl Donnak/Dinhnak Hmunhma Tio Tiva Kam ah Mizoram lei nih Tha tein an Ser. Chin ramchung (abikin Thantlang) in ralzaam an karh hnu ah ralzaam pawl ttha rein don nakding ah Mizoram lei Tio Tiva kam ah ralzaam donnak le dornak hmunhma Mizoram lei nih ttha tein an tuah.

A tanglei hmanthlak hi Lawngtlai District, Pangkhua pawng, Tio Tiva kam ah an tuahmi ralzaam dohnak hmun le chikhat dinhmun an sermi a si tiah theih a si.

Bual Peng Lei Ralzaam ca ah Thawngthanh. Bual peng lei in Mizoram ah a zaammi hna nih Tipi ah Pu Hmun Sang pehtlaih i amah nih alak in tilawng in an phorh hna lai tiah theih a si.

Asinain, Motorcycle le Sumdawng thilri pawl cu ahlan rate ning in man liam a si lai. A tanglei Phone ah Pu Hmun Sang pehtlaih khawh a si tiah a chim. Phone: +918414908536. Crd; The Chin Journal

Chin ramkulh Thantlang khuapi ah aluan cia August thla dih lai hrawng ah ralhrang le CDF kar ah kahdoh nak a um caah khuachung um mipi cheukhat chuahsem nak khua ah an zaam lio ah ralhrang hna nih an inn hna cu an mawizap i inn zuat satil hna cu an fir hna tiah khuami hna sin in theih asi.

” Thantlang cheukhat hna cu India lei ah an zam i inn an hrenh mi cu a boh i an duh mi thil poh an i lak .Ralhrang hna nih cun a chek i a zoh piak ban tuk in an i um ter i thil tam tuk an fir hnu ah inn zuat satil cu an thah i an ei. Zahan zan ah cun kan inn pawng i Ar 15 in 20 kar hrawng a si lai mah zong cu an fir dih ” tiah khuami pakhat nih a chim.

Thantlang khuapi chung ah ralhrang nih Security le chek nak hna a um i meithal thawng le hriamnan thawng hna kan thei rih tiah a chim.
” Nizan zong suimilam 8:00 le tlawmpal hrawng in Suimilam 11:00 tiang hrawng meithal le Bomb thawng kan theih. CDF he ma an si ti le mipi hna nih tih hna seh tiah an kah hram hram mi dah a si ti kan thei lo tiah an chim. Crd; The Chin Post

Be the first to comment

Leave a Reply

Your email address will not be published.


*